1 Piarə

Əlî Fraka nə̂

PIARƏ

Kumu əpʉ

Âdâ kə ta fraka səke də̂ yea

Əlî ngrowô ə̂në Piarə tâ ə wlâ kə azü nə̂ Kristə lə ashɔ aəgɔ mindû lə Azi kɔ kə səye. Alɔ ə̂në Jezu dâka pə pâ ashɔ səye, əndje də Piarə nâ ana kpə ə̂sə̂ nə. Alɔ ə̂në Jezu âfɔ pâ ashɔ səye gâ ye kɔ, Piarə kə sə̂ tə əzü-awla mbrə Ajuwufu kɔ.

Azü nə̂ Kristə səkɔ ə̂në tshə tâ ngrowô sə̂ kə əndje kɔ, azü gî əyo tə̂ əndje mbrə ə̂në əndje zâ lɔsu əndje kə Âgbɔ̂ Əyïngerə Jezu Kristə gâ ye. Âdârə ə̂në Piarə nə tâ ngrowô nə kə əndje ndə kə pa kə əndje ə pa əndje ka kpirə̂ gâ pâ əpʉ lɔsu əndje, əndje sə̂ sə̂ tə aangbʉlî azü kə wu əyo nə ne. Tshə pâ kə əndje ə pa Jezu sə̂ ə̂në əndje zâ lɔsu əndje nə kə ətshə kɔ, də̂ azü gî əyo tə̂ ye ətshinə gâ ye ʉrrr â wô ətshə kɔ. Ə yində kə yisə̂ nə ə pa alɔ ə̂në əndje sə kə wu əyo, əndje lï ndə kə pa əndje ru tshelə əndje mata ətshə. Tshə pâ ndje ndə äwä ə̂në əndje lï ndə kə sə də nə lə takpa tə̂ azü ə̂në əndje wə̂ra tə̂ əndje tə̂ Ndjapä gâ ye kɔ kə əndje.

Əpʉ tshelə fraka səke na rəke

1. (1.1-2) Əpʉ kə bla ətshe

2. (1.3-12) Kə ka kpirə̂ gâ pâ ərə ə̂në lɔsu sə gâ pâ nə kɔ

3. (1.13–2.17) Kə sə kpî mbrə Ndjapä

4. (2.18-25) Kristə wû əyo

5. (3.1–4.19) Əzü nə̂ Kristə də əpʉ kə wu əyo

6. (5.1-11) Äwä ə̂në aâgbɔ̂ azü Laglizə də azü nə̂ Kristə lï ndə kə pa əndje mbrə tə̂ əndje tə̂ nə kɔ

7. (5.12-14) Bale əpʉ kə bla ətshe