ራጋ ካያንሳ 6

ማታማልኮክ ባናማኖ

1ሂካኮ አባባተረ ኢዳዶ ማታማል ቶዶባኮ ካሆራርጄ ባና ግራን አን ዴ። ኔፎ ካአቦ መጣጆል አፋርኮ ኮ ባንቃኖ ኣን ህዲድ ታአማቶ ያዬይ፥ “ኮያ!” አማ ግራን አን ማለ። 2አን ፋራድ ጉማራክ ዴ፤ ፋራድ ጉት ካሀማጼራ ዳዌ አባተ ግራን አን ዴ፤ ካላቻና ኡሱን ስሳመ፤ ኡሱና ካአዎደሮ ሌጉረ አዎዳኖኮ አዎዳኖ ቶስ ሴይን ቤ።1

3እዳዶ ካላምክ ማታማ ካኮባናረ ጎራታ፥ ታላምት ኔፎ ታአብታ መጣ፥ “ኮያ!” አማ ግራን አን ማለ። 4ካካለ ሄላክ ፋራድ ቤ፤ ፋራድ ጉት ካሀማጼሮን ኖጎዳ ኡልኮ ጎጎባስሮና እባዶ እስእስኦሮ ጎጎጉዳሮን የልን ኦዶናት ኡሱን ስሳመ፤ ካአቲ ሺፋና ኡሱን ስሳመ።2

5እዳዶ ካሴድ ማታማ ካኮባናረ ጎራታ ታሴድ ኔፎ ታአብታ መጣ፥ “ኮያ!” አማ ግራን አን ማለ፤ አንና ጋምባላክ ፋራድ ዴ፤ ፋራድ ጉት ካሀማጼራ ካኮሄረግሳራን ገነቴሳይ አባተ ግረ፤3 6ኔፎ ካአቦ መጣጆል አፋርኮ ታበያቶ ያየ ኣን ታላቶ አን ማለ፤ ህት ያየና፥ ኪሎ ቶኮት ምና ግታት ዳርጋማ አሪ ቶክ ዳሞዛ፥ ኪሎ ቶና ምናና ካሌሮ “ሀኡር አሪ ቶክ ዳሞዛ ሀሌዎ፤ ዛይቲና ዎይኒ አሮምርተ!” አማ ግራን አን ማለ።

7እዳዶ ካአፋር ማታማ ካኮባናረ ጎራታ ታአፋር ኔፎ ታአብቶ መጣኮት ያየ፥ “ኮያ!” አማ ግራን አን ማለ፤ 8አን ሽርንዶክ ፋራድ ዴ፤ ኡሱ ፋራዲ ጉት ካሀማጼሮኮክ መገ ጎይ አማማረ፤ ቦዋና ኡሱ ዴበ ሰሴታ ግረ፤ ጎይና ቦዋና ታኡሌ ገነ አፋርኮ ቶ ጀሬኒ፥ ኡኢ፥ ኩባ ኡሊ ጉት ኔፎ ታአብቶ መጣ ጎጎላጋድራኑን እሶን ኦዶናት ስሳመ።4

9ካከን ማታማ ካኮባናማረ ጎራታ፥ ሃፉራ ካዋ ማራና እሶ ካስሰራን አቶ ማራን ካጎየሮ እባዶኮት ኔፎ ታጃርሶ ባንኤ ሄገሊ አን ዴ፤ 10እሶና ታአቲ ያዬይ፥ “ዱባንኮ ጦቂ ካአንተ፥ ቁሉክና ካሩም ዋ! ኡሊ ካግሮ እባዶ ጉት ካኮንፍርድኖና ኢግካን ማራን ሀሎ ካኮብያናዋታ አት ሀጌ ታ ጌቶንያ? አማ ኦኬን።” 11እሶን መተመቴ ጉማራክ ሳርስ ስሳመ፤ እሶ ኣን ጋና ኦጎይናራዉን፥ እሶ አን ኦሀንዳራን ሳትላልትሶና አቢላልትሶኮት ቶቶ ታ አማጋምራን ጎራታ ክጫር ጎጎኦብስራዉን እሶን ሰጋመ።

12ኤሰኮ አባባተረ ኢዳዶ፥ ማታማ ካሌይ ካኮባናረ ጎራታ አን እሶ ቶስ ዴ፤ ሀሱ ጎራታ ኡልኮክ ሻላጋማኖ ሌ፤ አርቲ ጋምባላክ ሳርስ ካሬስሴ ኣን ጋምባላ ሌተ፤ ድግንና ኢግ ኣን ሄላ ሌተ።5 13ታአቲ አምባል ኬተጉደ ካባላስ ጋ ጎአኢሶ ታዱባንተታ ኢል ጋኮ ጎጎኡባቶ ማለ ዳሩርኮ ባራጃልና ኡባተ።6 14ዳሩርና ካዱባመሮ ማጻፋ ኣን ዱባንተ ባተ፤ ዎዳሚል ዱባና ኦዶላል ዱባ ባንኤትሶኮ ባዬን።7 15ካኡሌ ዎኖላል፥ ሞትጆል፥ ካጀረነ ዎይቻል፥ ዱሬሳል፥ ኦአቲ፥ ድይል ባልቻል ዱባ ላጋልና ዎዳሚል ኤኤሞል ኦሮ ስያሜን፤8 16ዎዳሚልና ኤኤሞል፥ “ኖ ጉት እያ! ኮርፍንጀ ጉት ካሀማጼሮ ሆረ፥ ታኢዳዶ ኤንገኮ ኖ ጎልሳ!9 አመን። 17ታአቲ ታኤንጌ አሪ ኤሜተታ፤ አዮያ አራኣይ አልን ካዳንዴራ?” አመን።10