ማቶሳ

ማቶሳ ካጻፈሮ

ጎታካንክ ካየሱሳ ክርስቶሳ ዎንጋላ

ታባኖ

ካማቶሳ ዎንጋላ፥ ታየሱሳ ኤሜቶኮት አብድ ጣየ ካሰጋመራ ኡሱ ካፋይሳሮ ላኖና ዋ አማቶ ኦጣዎይ ጎሳኬሳን ካስሰሮ ካአብዲ ሃፉራ ካኮፈለራ ጋራኬሳነ ላኖ ካሰጋሮ ካገጌሎ ሃፉራያ። ሂክ ካገጌሎ ሃፉራና የሱሳ እሶ ኦሮ አላተረ ካኮጂናተሮ አይሁድ ካላሉን አንሌኖን ግራን አላም ዱባዉና አደረያ።

ካማቶሳ ዎንጋላ ኢደ ድያመ ካኤካተሮ ማጻፋያ፤ ታየሱሳ አላታንኮ ሀጋአበረ ጣማቃማኖኬሳኮክ ጋራና ጫፋማኖኬሳኮክ ጋራ ሰሰጌ አባባተረ ጋሊላይ ኡሱ ካላላበሮ ላላባኖ፥ አጋልስሳኖና ፋይሳኖኮክ ሀንዳኖ ሰሰጋራ። ሀሱኮ አባባተረ አደ የሱሳ ካጋሊላ ኡልኮ ኢየሩሳለምኮት ካታማ ቶስ ታሰሴተሮ ሰሴታና ሂካ አላም ካኮአዳላተሮ ጌስኮክ ካጋቾ አልማይ ካሌሮ አየስ ሰሰጋራ፤ ሂክ አዬንሳ ሱዋማኖኬሳ፥ ጎይኬሳና ጎይኮ ከያኖኬሳ ዎታ ራቶ አባራ።

ሂክ ዎንጋላ የሱሳ ሴራ ካዋ ፉሬን ስስን ኦዶናት ካአቦ ላኖና ዎኖናት ካዋኮክ ጋራ ካአጋልስሳሮ ካንጅንክ የለ ቱሳራ። አጋልስስኬሳኮ ጋማ ካሆር ራ ካሞጋኒ ካኤካተራ ባንኤ ከኒ ቶታማራ፤

1. ዎኖናት ካዋክ እባዶኮት ያዳሊ፥ ፈሎ፥ ፈኢ፥ ሁኖምና ታጋቾ ኢጣ ካአጋልስሳሮ ካዎዳሚ ላላባኖ፥ (ፎልሲ 5-7)

2. ቶሞንኮ ላማ የሱሳኮ ኦአጋልሳታረን ካዎንጋላ ላላባኖን ካኮፋራማሬን ጎራታ እሶን ካስሳመረ ሴራል፥ (ፎልሲ 10)

3. ዎኖናት ካዋኮክ ጋራን ካሰጋመሮ ካለካለክ ማሱሳጆል፤ (ፎልሲ 13)

4. የሱሳኮ ኦአጋልሳታራን ላኖኮት ፉሬን ካሰጋራ አጋልስስ፥ (ፎልሲ 18)

5. ጌስ ካግዳኔኮት ጋቾና ዎኖናት ካዋ ኤሜቶኮክ ጋራን ካስሳመሮ አጋልስስ፤ (ፎልሲ 24-25)

ራቶ ሂክ ማጻፋ ካአበራ

ካየሱሳ ክርስቶሳኮክ ካሳን ህዲድና አላታን

ካጣማቃሮ ያንሳኮክ ሀንዳኖ

ካየሱሳ ጣማቃማኖና ጫፋማኖ

የሱሳ ፈሎኦቴሳ ጋሊላይ ሀጋአባኖ

ጋሊላኮ ኢየሩሳለም ቶስ

ካጋቾ አልማይ ኢየሩሳለምና ጎቦቢ

ጎታካንክ ጎይኮ ክያኖና ኡሱኮ ኦአጋልሳታራዉን ሙታኖ