Onger Akaba 86

Gumazim God ko mɨkɨmtɨ God an akurvagham

Devit God ko mɨgeir mɨgɨrɨgɨaba osiri.

1O Ikiavɨra Itir God, kɨ uabɨra uabɨn akurvaghamin gavgaviba puvatɨ.

Kamaghɨn, nɨ na baragh.

2Kɨ nɨn ingangarir gumazim, kɨ nɨghnɨzir gavgavim nɨn ikia, nɨn gɨn zui.

Kamaghɨn amizɨ, nɨ ua nan akuragh na inightɨ, kɨ ovengan kogham.

3O Ekiam, Kɨ dɨmagariba ko aruebar nɨn dei,

kamaghɨn, nɨ nan apangkufigh.

4Ekiam, kɨ nɨn ingangarir gumazim.

Kɨ uan navir averiamɨn aven nɨ baghavɨra iti.

Kamaghɨn, nɨ na damightɨ nan navim bar akongegh. 51

O Ekiam, nɨ bar dera,

egha gumazibar arazir kuraba gɨn amadi.

Egha nɨ ko mɨgeir gumazamiziba,

nɨ apangkuvir ekiam men ikia, men azangsɨziba barasi.

6O Ikiavɨra Itir God, nɨ nan azangsɨzim deragh a baregh

nan akuragh. 72

Kɨ fo, nɨ na baregh nan akurvagham.

Kamaghɨn, kɨ osɨmtɨzim itir dughiam, kɨ uabɨn akurvaghasa nɨn dei. 83

O Ekiam, nɨ iti moghɨn ua godɨn tam itir puvatɨ.

Tav nɨ ingari moghɨn ingari puvatɨ. 94

O Ekiam, ikɨzibar gumazamizir nɨ ingariziba bar izɨ,

nɨn ziar ekiam bagh teviba apɨrigh, nɨn ziam fam. 105

Nɨ bar uabɨra mirakelɨn bar aghuibagh ami,

Nɨ uabɨra God. 116

Ikiavɨra Itir God, arazir kɨ gɨn mangasa nɨ ifongeziba,

nɨ deravɨra dar nan sure damigh.

Eghtɨ kɨ darara nɨghnɨgh,

zurara dar gɨn mangɨ nɨn ziam fam.

12O Ekiam, nan God, kɨ uan navimɨn aven nɨ mɨnabɨva,

nɨn ziar ekiam zurarama a fasa.

13Nɨ zurara bar nan apangkufi.

Kamaghɨn, nɨ ua na inizɨ, kɨ Gumazamizir Oveaghuezibar Nguibamɨn ghuzir puvatɨ.

14O God, akaba batozir gumazir maba datɨrɨghɨn iza na ko mɨsoghasa.

Gumazir kurar kaba nɨn akabar gɨn zuir puvatɨgha,

uari akuvagha na mɨsueghtɨ kɨ aremeghasa.

15O Ekiam, apangkuvir arazim ko, akurvazir arazim bar nɨ gizɨvazɨ nɨ zuamɨrama atarir puvatɨ.

Nɨ bar en apangkuvigha, deravɨra uan akamɨn gɨn ghua egha nɨghnɨzim giraghɨrazir puvatɨ.

16Nɨ uamategh na bagh izɨ egh nan apangkufigh.

Kɨ nɨn ingangarir gumazim, nan amebam uaghan nɨn ingangarir amizim, a na bate.

Kamaghɨn, nɨ nan akuragh gavgavim na danɨng.

17O Ikiavɨra Itir God, Nɨ bizitam damightɨ an otogh, nan akaghtɨ kɨ fogh suam, nɨ bar na gifonge.

Eghtɨ nan apaniba uaghan ganigh fogham, nɨ nan akuragha gavgavim na ganɨngi.

Kamaghɨn, me uan arazir kurar me amizir kam gɨnɨghnɨgh,

bar aghumsigham.