Onger Akaba 24

God a bar atrivir ekiam

Devit onger akar kam osiri.

11

Nguazir kam ko an itir biziba bar,

da bar Ikiavɨra Itir Godɨn bizibara.

Ezɨ nguazimɨn itir gumazamiziba bar

uaghan an bizibara. 22

An ongarir konibar aven mati akɨnir guariba asegha,

nguazimɨn ingarigha a isava dɨpar kabagh isɨn anefazɨ

a bar gavgafi. 33

Tinara Ikiavɨra Itir Godɨn mɨghsɨamɨn ghuavanangam?

Tinara an Dɨpenimɨn aven mangam? 44

Gumazamizir kamagh amiba,

merara an aven mangam.

Men navir averiaba ko, me amir araziba ko, nɨghnɨziba zue,

egha asebar ziaba fer puvatɨgha,

igharaz darazi ko akam akɨrigha egha gɨn me gifarir puvatɨ.

5Kamagh amir darasi, Ikiavɨra Itir God deragh me damu,

ua me inigh men akuragh me dɨpon suam,

me nan damazimɨn dera, egha osɨmtɨziba puvatɨ. 65

Gumazamizir kamagh amiba, kar me God buri.

Me Jekopɨn Godɨn boroghɨra ghua

a baghavɨra iti.

(Ighiam gamua an suiam // atugha avughsegha ua // ighiam gami.) 76

Ia tiar akaba, ia uari kuighiregh!

Ia tiar akar fomɨra itiba, ia bar arokegh.

Eghtɨ Atrivir Gavgavir Bar Ekiam Itim aven izam.

8Atrivir Gavgavir Bar Ekiam Itir kam, a tinara?

A Ikiavɨra Itir God uabɨ.

A gavgavir bar ekiam ikia

uan apanibav sogha me abɨri.

9Ia tiar akar ekiaba, ia uari kuighiregh!

Ia, tiar akar fomɨra itiba, ia bar arokegh.

Eghtɨ Atrivir Gavgavir Bar Ekiam Itim aven izam.

10Atrivir Gavgavir Bar Ekiam Itir kam, a tinara?

Ikiavɨra Itir Godɨn Gavgaviba Bar Itim,

a guizbangɨra Atrivir Gavgavir Bar Ekiam!

(Ighiam gamua an suiam // atugha avughsegha ua // ighiam gami.)