Onger Akaba 14

Gumazamizibar arazir kuraba

(Onger Akaba 53)

Devit onger akar kam osiri.

An onger akar kabar faragha zuir gumazim gɨnɨghnɨgha onger akar kam osiri.

112

Gumazamizir onganiba uan navir averiabar aven nɨghnɨgha ghaze,

“God itir puvatɨ.”

Gumazamizir kaba, me bar gumazamizir kurabara.

Me bar moghɨra arazir aghuitam gamir puvatɨ. 23

Ikiavɨra Itir God uan Nguibamɨn pɨn ikia, nguazimɨn itir gumazamizibar garima,

men tav nɨghnɨzir aghuim ikia a gɨfofoghasa a buri,

ti puvatɨ.

3Me bar tuavir aghuim ataki.

Me bar moghɨra ikuvigha magh gari.

Men tav arazir aghuitam bar a gamizir pu.

Bar puvatɨ. 44

Ikiavɨra Itir God kamaghɨn mɨgɨa ghaze,

“Gumazamizir arazir kuram gamiba, nɨghnɨzir aghuitam men itir puvatɨ.

Me bret apa anegevi moghɨn, me nan gumazamiziba agefi.

Egha me tong na ko mɨgeir puvatɨ.”

5God gumazamizir an akam baragha an gɨn zuiba, a me ko iti.

Kamaghɨn amizɨ, gumazamizir arazir kurabagh amir kaba,

a me gɨnobaghtɨ me nɨghɨva akong bar atiatigham. 65

Gumazamizir onganarazibagh amiba, Ikiavɨra Itir God me akumakua deragha men garima, me an aven modi.

Kamaghɨn, gumazir arazir kurabagh amiba,

me onganarazibagh amir gumazamiziba damuasa mɨgeir bizibar ingaravati. 76

Kɨ kamaghɨn ifonge, Israelian akurvaghamin gumazitam Saionɨn nguibamɨn ikegh azenan izɨ.

Ikiavɨra Itir God, uan gumazamizibar akuraghtɨ me deravɨra ikɨtɨ, Jekopɨn ovaviba bar akuegham.

Guizbangɨra, Israelian naviba deragham.