Godɨn Eghaghanim: Akar Gavgavir Dɨkɨrɨzir Ghurim ko Igiam
Onger Akaba 131
Gumazim nɨghnɨzir gavgavim ikia God ko mɨgei
Ighiar kam, Devit an osiri.
Godɨn Dɨpenimɨn ghuavanaga an ziam fer ighiam.
O Ikiavɨra Itir God, kɨ akaba batogh uabɨ uan ziam fan aghua.
Kɨ bizir ekiaba ko bizir kɨ damuan iburaziba dagh nɨghnɨzir puvatɨ.
Kɨ datɨrɨghɨn deragha aperagha navir amɨrizim iti,
mati borim uan amebamɨn otem ategha a ko aghumram aperaghav iti.
Kamaghɨra, nan navim purama amɨragha irɨghav iti.
O Israelia, ia datɨrɨghɨn nɨghnɨzir gavgavim Ikiavɨra Itir God ikɨ,
kamaghɨra ikɨ mangɨvɨra ikɨ.
Godɨn Eghaghanim: Akar Gavgavir Dɨkɨrɨzir Ghurim ko Igiam. Copyright © 2020 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.