Onger Akaba 127

God arazir aghuimɨn me gamizɨ me an ziam fe

Ighiar kam, Solomon an osiri.

Godɨn Dɨpenimɨn ghuavanaga an ziam fer ighiam.

11

Ikiavɨra Itir God uabɨ dɨpenimɨn ingar.

Puvatɨghtɨma, dɨpenir kamɨn ingarir gumaziba pura an ingarigham.

Ikiavɨra Itir God uabɨ nguibamɨn gan.

Puvatɨghtɨma, nguibar kamɨn garir gumaziba pura ingarigham.

2E dagheba ko dagɨaba bagha bar mɨzarazibara dɨkava ingara zui amɨniba pɨri.

E pura ingangarir kabagh ami.

Ikiavɨra Itir God uabɨ gumazamizir a ifongeziba biziba me ganɨdima,

me pura ikia avughsi.

3Boriba, kar bizir aghuir Ikiavɨra Itir God anɨdiba,

da bar dera.

4Gumazir igiamɨn boriba,

mati afuziba mɨdorozir gumazir mamɨn dafarimɨn iti.

5Gumazir borir avɨriba itim a bar akongegh.

A uan apaniba ko kotiam damuamim dughiamɨn,

me kotiar danganimɨn an akurvagham.

Eghtɨ an kotiam deragh mangam.