Godɨn Eghaghanim: Akar Gavgavir Dɨkɨrɨzir Ghurim ko Igiam
Onger Akaba 120
Gumazim uabɨn akurvaghasa God ko mɨgei
Godɨn Dɨpenimɨn ghuavanaga an ziam fer ighiam.
Kɨ osɨmtɨzim itir dughiamɨn,
kɨ uabɨn akurvaghasa Ikiavɨra Itir Godɨn diava araima,
a nan dɨmdiam barasi.
Kɨ ghaze, “O Ikiavɨra Itir God, gumazir ifariba na gasɨghasɨghasava ami.
Nɨ men akar ifavaribar ua nan akuragh,
men dafaribar ua na inigh.”
Ia gumazir ifariba, God mɨzazir manmaghɨra garim ia danɨngam?
Egh a manmaghɨra garir arazim ian arazir kuraba ikaragham?
God ti afuzir ghumtɨzim inigh ia ginivam.
A ti avir bar puvɨra isim inigh ia dapongam.
Maia! Kɨ uabɨn apangkufi!
Kɨ Mesekia ko Kedarian tongɨn pazava aperazɨ moghɨn,
ian tongɨn datɨrɨghɨn pazava apera.
Gumazir igharaziba ko deragh dapian aghuaziba,
kɨ dughiar ruarimɨn ian tongɨn ikegha, bar amɨra.
Kɨ uabɨ dabirabir aghuim baghavɨra mɨgei,
ezɨ me mɨdorozim baghavɨra mɨgei!
Source notes (1)
- Cross-reference Onger Akaba 118:5; Jona 2:2
Godɨn Eghaghanim: Akar Gavgavir Dɨkɨrɨzir Ghurim ko Igiam. Copyright © 2020 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.