Godɨn Eghaghanim: Akar Gavgavir Dɨkɨrɨzir Ghurim ko Igiam
Onger Akaba 100
God mɨnabir ighiam
Ia nguazimɨn itir gumazamiziba bar,
ia Ikiavɨra Itir God bagh pamtem dɨmɨva,
bar akongegh an ziam fɨ.
Ia Ikiavɨra Itir Godɨn ingangarim damu
an ziam fɨ bar akongegh.
Ia an boroghɨn izɨva
bar akongezir ighiaba bangɨ. 1
Ia kamaghɨn fogh,
Ikiavɨra Itir God a guizbangɨra God.
A uabɨ en ingarizɨma e an adarazira.
E an gumazamiziba,
egha an sipsipbar mɨn iti.
E an Dɨpenimɨn aven mangɨ
an ziam fɨva a mɨnamam.
E a mɨnabagh
an ziar ekiam bar a pɨrafam. 2
E fo, Ikiavɨra Itir God arazir aghuibaram amua,
egha zurara bar en apangkuvighavɨra iti.
A damuasa mɨkemegha gɨvazir biziba,
a zurara dagh amua kamaghɨra iti.
Source notes (2)
- Cross-reference Onger Akaba 79:13; 95:7; Esekiel 34:30-31; Efesus 2:10
- Cross-reference 1 Eghaghaniba 16:34; 2 Eghaghaniba 5:13; 7:3; Esra 3:11; Onger Akaba 106:1; 107:1; 118:1; 136:1; Jeremaia 33:11
Godɨn Eghaghanim: Akar Gavgavir Dɨkɨrɨzir Ghurim ko Igiam. Copyright © 2020 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.