Ahi 1

1Gareana lawe na tangaloi nge hilogo hi

dige tea lo tovotovo nora tangaloi esi,

me he labe tea lo nora turegi rau esi,

siu he toga tea lo herera tangaloi vaivei lolohaga Huqe.

2Nge mo havusie gena leo noi Huqe

me mo ladolado lolo nona tamwata vataha na rani me lolo bongi.

3Nge mwere na gai ram rivuana lo mwararai matamata

nge hilogo lo tarona mo mwasigi a raune rain soi tea,

me nge mo maraga lo gineu doluegi nge mo vaire.

4Hate mwere na tangaloi esi

mwere na bembei tovu ngere hilogo a langi mo heregi vohoginire.

5Siu i Huqe vin veveginire tangaloi esi rain vurogi

me vin vile wahera tangaloi galegale asi dena bubugiana nora tangaloi vovohoi.

6Huri Huqe u ilo na turegire tangaloi vovohoi,

nge a tangaloi esi mo huri na turegi mateana.