Tangaloi Vagamwasoi 3

1Ngelehe buri sinobu ngehi Huqe u siregi nire rau tirendu, nge mo vailehire doluegi tau Israel lure. Ngerehi Israel rau mwaso lo taro hi rai ilo na vuro tea lolo vanue Kenan 2(nge hogosie mo huhui reneture Israel ve rain vei vuro mwere hi rai ilo na vai vuro tea lo taro vano beno): 3Ngere ratahigi gailime nora tau Balistaen, meire ngere tau Kenan, meire tau Sidon, meire tau Hivi ngehi rau toga lo vusi sao Lebenon tavuigi lo Vusi Bal Heremon mo dadari Lebo Hamat. 4Sinobu ngerehi ram toga vena ngeie vin vailehire tau Israel vena ngere rain tabe na leohora noi Huqe ngehi ngeie u bete lawe retubure duruhi Mosis sige hatie. 5Tangaloi tau Israel ram toga lo livugara tau Kenan, meire tau Hiti, meire tau Amoro, meire tau Beris, meire tau Hivi, meire tau Jebus. 6Ngere Israel ram lai reneture vavine vuragi gaihorara, me ngere Israel ram bete reneture vavine lawe reneture mwera ngere talo tavalugi ram vuragi gaihorara. Me ngere Israel ram maraga ram tabana noi nora huqe sao.