दानीएल

दानीएल

दानीएलना पुस्तक

वळख

दानीएलनं पुस्तक बाबिलोनमा इस्त्राएल लोकसना बंदिवासना काळमा संदेष्टा दानीएलना जीवन अनी भविष्यसुचक दर्शनना संबधमा शे. हाई दानीएल अनी त्याना मित्रसना निष्ठाबद्दल तसंच राष्ट्र अनी जगनासंबधमा भविष्यवाणीबद्दल सांगस.पुस्तकमा ६०५ ते अंदाज ५३५ ई.सन पुर्व काळना समावेश शे, जठे दानीएल चार येगयेगळा बाबिलोन राजाना काळमा सेवा करेल व्हती. पारंपारिक मत असं शे की दानीएलनी या काळमा बाबिलोनमा पुस्तक लिखेल व्हतं, पण बराच विद्वानसना अस मत शे की ते इस्त्राएलमा २ शतकमा लिखामा वनंत. बाकीसना अस ईश्वास शे की पुस्तकना काही भाग येगयेगळा येळमा लिखाई जायेल शे.

दानीएलना पुस्तक बंदिवासमा राहनारा इस्त्राएली लोकसले तसच कठिण काळ येवावर भावी पिढीसले आशा देवाकरता लिखाई गयं. दानीएलना जीवनमाधलं घटनासद्वारा अनी भविष्यना संबंधमा भविष्यवाणीद्वारा, देव राजे अनी राष्ट्रसवर त्यानं सामर्थ्य दखाडस. बायबलना संबधमा संदर्भमा, हाई नवा करारमाधलं देवना राज्य समजी लेवाले मदत करस. ख्रिस्तबद्दल

रूपरेषा

1. नबुखद्नेस्सरना काळमा बाबिलोनमा दानीएल अनी त्याना मित्रसबद्दक सांगेल शे

2. राजा बेलशस्सरना दृष्टांतना अर्थ सांगेल शे

3. दारियासना काळमा सिंहना गुहामा दानीएलना बद्दल सांगस.

4. भविष्यमाधलं घटनासबद्दल देवकडतीन दानीएलले प्रकटीकरण शेतस

(अ) दानीएल भविष्यबद्दलना दोन दृष्टांतना अनी त्यासना अर्थना वर्नण करस.

(ब) दानीएल त्याना लोककरता प्रार्थना करस अनी त्याले ग्राबीएल देवदूतनी उत्तर दिधं.

(क) ग्राबीएल भविष्यमाधलं घडामोडी, शेवटना काळबद्ल प्रकट करस