निर्गम

निर्गम

मोशेनी लिखेल निर्गम

वळख

निर्गमना पुस्तक आब्राहामनी वंशनी गोष्ट मोरे चालाडसं, जे उत्पतीमा सुरु व्हयेल व्हतं. निर्गम हाऊ शब्दना आर्थ “परत” म्हणजे इस्राएल राष्ट्रले मिसर देशमाईन बाहेर येवानंतर जे वचन परमेश्वरनी आब्राहमले कर व्हतं. ज्या विदयवान शेतस त्या आशे समतस की निर्गमना पुस्तक जास्त करीसनं मोशेनी लिखेल शे, आशे वाटसं की हाई धडामाईन आशी माहीती कयसं, निर्गम

निर्गम हाई गोष्टवर जोर देस की परमेश्वरनी आब्राहम, इसहाक अनी याकोब यासले जे वचन दिध व्हतं ते कशा पुरा करी राहींनता. हाई आब्राहमना वंश, इस्राएल राष्ट्रले मिसरनी भुमीपाईन परमेश्वरना सामर्थ्यनी उध्दारनीबारामा सांगमा येयल शे, निर्गम

रूपरेषा

1. अध्याय 1 मा आमले हाई सांगस की इस्राएल लोकेसले मिसर देशमा कशे गुलाम बनाडेल जायेल व्हतं.

2. अध्याय 2 ते 4 मोशेनी सांगेल शे. मनजे त्याना जीवन कशे व्हतं हाई सांगेल शे.तोपावोत त्याले परमेश्वरना लोकेसले सोडावाले बलायेल नही व्हतं.

3. लेखक सांगस की परमेश्वरनी आपला लोकेसले त्या देशमाईन अनी फारोना सैनिकपाईन वाचाडाकरता मिसर देशमां मोठ मोठला चमत्कार अनी मोठ मोठल्या पिढा निर्मान करात.

4. आठेन इस्राएल राष्ट्र सिनाय पर्वतपावोत गयात.

5. अध्याय 20 ते 31 मा आशे वाचतस की परमेश्वरनी मोशेले कसे नियम लायी दिधात. म्हणजे इस्राएल लोकेसले कोनता परकारतीन जगानं अनी आरधना करानी व्हती. यानाबारामा स्पष्ट सांगेल शे.

6. अध्याय 32 मा लिखेल शे की इस्राएल लोकेसनी कशे मोशेना भाऊ अहरोनले सोनाना वासरु बनाडाले राजी करीसनं परमेश्वरना ईरोधमा पाप करं.

7. अध्याय 33 ते 40 मा आशे सांगेल शे की मोशेनी परमेश्वरनी महीमा कशी दखी अनी इस्राएलले परमेश्वरना नियमनीबारामा सुचना दिधात अनी सांगं की निवासस्थान, कोश उपासना कराकरता दुसरा साधन, तशेच याजकना ईषेश कपडा कशे बनाडानं हाई सांगेल शे.