प्रेषित
Acts
Introduction from this edition
लूकने प्रेषितांच्या कामांचे केलेले वर्णन
लूकनी प्रेषितसना कामसनं करेल वर्णन
वळख
प्रेषितसनं काम हाई पुस्तकमा मंडळीनी सुरवातनी कशी व्हयनी हाई लिखेल शे अनी यरूशलेममातीन यहूदीया, शोमरोन अनी त्याना आजुबाजूना शहरसमा सुवार्ता कशी पसरनी अनी जस येशुनी स्वर्गमा जावाना पहिले आपला शिष्यसले जस सांगं तसं काम त्यासनी कसं करं.
प्रेषितसनं काम हाई पुस्तक येशु ख्रिस्तना जन्मनंतर ६०-६४ सालना मझार लिखाई जायेल शे, कारण हाई पुस्तक पौल कैदखानामातीन बाहेर येवाना पहिले फेरी राहीनी. लूकनी बी प्रेषित पौल यानासंगे मिशनरी फेरी करेल शेतस अनी कदाचित त्यानी अंत्युखिया शहरमा हाई पुस्तक लिखं. प्रेषितसनं पुस्तकमा लूक हाई पुस्तकना शुभवर्तमानले लगातार ठेयल शे अनी येशुना स्वर्गमा जास तठेनच सुरवात व्हयेल शे. लेखमा लूकना लिखाना उद्देश त्याना शुभवर्तमानना मायकच शे, तो थियुफिला वर प्रेम करे, तसच ख्रिस्ती लोकसनी वाढती संख्यावरतीन हाई समजस की, त्यासले काय शिकाडेल व्हतं अनी यामुयेच लूकनी येशुनं जिवन अनी ख्रिस्ती धर्मना प्रचारना एक अचुक लेख लिखा.
प्रेषितसनं पुस्तक हाई आमनाकरता सुरवातनी मंडळीनं एक उदाहरण देस अनी येशुमा ईश्वासु जिवन कसं जगानं हाई ह्यामा दखाडेल शे. प्रेषितसना उदाहरण आमले दखाडस की, दुसरासले शुभवर्तमानना संदेश सांगाकरता पवित्र आत्मानी शक्तीवर कसा ईश्वास ठेवना शे.
रूपरेषा
१. सुरवातले पवित्र आत्मा शिष्यसवर येस अनी मंडळीनी वाढ व्हस.
२. मंडळीले तरास देनं अनी शुभवर्तमान यरूशलेमतीन पुढे पसरत जाणं.
३. पौल आपली पहिली मिशनरी फेरीले जास.
४. यरूशलेमना वडील मंडळीनी बैठक करीसन हाई ठरायं की नवा ईश्वासु लोकसनी काय गरज शे.
५. पौल आपली दुसरी मिशनरी फेरीले जास.
६. पौल आपली तिसरी मिशनरी फेरीले जास.
७. पौलले यरूशलेममा अटक करतस.
८. शेवट पौलले रोम शहरमा पोहचाडतस.
Ahirani Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.