Adele Old Testament
1 Ɩya-ɩya Yaade 2
Isareli bebi-teni
Isareli gɛtɛ bee ni kpèlè Yakobu fɔ bebi-teni n di
Ruben, ma Simeyon, ma Lefi, ma Yuda, ma Isaka, ma Sebulun, ma Dan, ma Yosefu, ma Benyamin, ma Nafitali, ma Gadi, ma Aseri.
Yuda ma Esiron boo bebi-teni
Yuda bebi-teni n di
Eri, ma Onan, ma Seela. Suwa wobi-nanɩ, gɛtɛ è di Kanaan-na fɔ na wo bebi besiyee nyabɛ ɛ tɛ wɔ. Yuda wobi ɛndɩrɛ Eri ɛ mɛ ade-kpen Yahwe bʋnʋn baanɩ, okoro Yahwe e wolo wɔ. Yuda wobi-sɔ Tama na wo Peresi ma Sera na tɛ wɔ. Gɛ Yuda bebi-teni powu bɛ ma yela ton.
Peresi bebi-teni n di
Hesiron ma Hamuli.
Sera bebi-teni n di
Simiri, ma Etan, ma Heman, ma Kalikoli, ma Darida. Ɛbɛ powu bɛ̀ ba ton.
Karimi wobi-teni n di
Akari gɛtɛ e yuri anyan gɛtɛ bɛ ka bɛ tɛ Yahwe, gɛ wʋ ka dɩyɩyɛ wʋ ba Isareli fɔ.
Etan wobi-teni n di
Asariya.
Bebi-teni gɛtɛ be wo bɛ tɛ Hesiron fɔ n di
Yerameyeli, ma Ram, ma Kalebi.
Hesiron wobi Ram
Ram na wo
Aminadabo gɛtɛ e wo Nason, gɛtɛ ɛ mɛ Yuda bete bɔɔ dɩkpaara dɩɩndɩrɛ ɛkɩ fɔ. Nason na wo Salimon, gɛtɛ e wo Bowasi fɔ. Bowasi na wo Obedi gɛtɛ e wo Yese fɔ.
Yese wobi-gyangbasɛlɛ n di
Eliyabi. Wobi-nyɔɔfɛ n di Aminadabo, gɛ esiyeefɛ n di Simeya, ɛnaafɛ n di Netaniyeli, etonfɛ n di Radayi, ekooronfɛ n di Osem, gɛ ɛkwarankɩfɛ n di Dafidi. Boonosobi ɛbɛ n di Seruya ma Abigeli. Seruya e wo bebi-teni besiyee. Ɛbɛ n di Abisayi, ma Yowabi, ma Asaheli. Amasa gɛtɛ wote è di Isimayeli-te Yeteri fɔ wɔna n di Abigeli.
Hesiron wobi-teni Kalebi
Hesiron wobi Kalebi e to Asuba gɩna, gɛ e wo ebi-nanɩ gɛtɛ bee kpèlè Yeriyoti. E wo bebi-teni besiyee gɛtɛ baayere n di Yeseri, ma Sobabi, ma Aridon. Gɛtɛ Asuba e ku fɔ, Kalebi e to Efrati gɩna, gɛ e wo Huri ɛ tɛ wɔ. Huri na wo Uri, gɛ Uri e wo Besaleli.
Gamama fɔ, Hesiron ɛ dʋrɔ ma Gilaadi wonosobi gɛtɛ boote n di Makiri fɔ. Hesiron e to wɔ gɩna ɔkʋna gɛtɛ e di bɩkyan akpilin asiyee (60) fɔ, gɛ e wo Segubi ɛ tɛ wɔ. Segubi na wo Yayiri gɛtɛ ɛ nya atele dikpilin ma asiyee yii koro fɔ. Mɔ Gesuri ma Aram bete be gye Hafoti-Yayiri, fɩya ma Kenati ma watele gɛtɛ i silin wɔ i tuma fɔ bɩtà. Atele fɔ powu ɩ̀ ba akpilin asiyee (60). Bɛnɩ nyabɛ powu bè di gɛ Gileyadi wobi Makiri wodu wʋʋ bɛnɩ.
Gɛtɛ Hesiron e ku Kalebi-Efrati ditele wʋʋ gama fɔ, Hesiron wɔsɔ Abiya e wo Asuri, gɛtɛ e tiri Tekowa fɔ ɛ tɛ wɔ.
Hesiron wobi Yerameyeli
Hesiron wobi ɛndɩrɛ Yerameyeli bebi-teni n di
Ram, gɛtɛ è di ebi ɛndɩrɛ, ma Buna, ma Oren, ma Osem, ma Ahiya. Yerameyeli e to ɛna-fon ɛkɩ gɛtɛ wo diyere n di Atara. Wɔna diyere n di Onam.
Yerameyeli wobi-ɛndɩrɛ Ram bebi-teni n di
Maasi, ma Yamin, ma Ekeri.
Onam bebi-teni n di
Samayi ma Yada.
Samayi bebi-teni n di
Nadabi ma Abisuri.
Abisuri wɔsɔ diyere n di Abihayeli gɛtɛ e wo Ahiban ma Molidi ɛ tɛ wɔ fɔ.
Nadabi bebi-teni n di
Seledi ma Apayim. Seledi e ku gɛtɛ en wo.
Apayim wobi-teni n di
Isi gɛtɛ e wo Sesan fɔ.
Gɛ Sesan e wo Ahalayi.
Samayi wonobi Yada bebi-teni n di
Yeteri ma Yonatan. Yeteri e ku gɛtɛ en wo.
Yonatan bebi-teni n di
Peleti ma Sasa.
Ɛbɛ nyabɛ n di Yerameyeli wodu wʋʋ bɛnɩ fɔ.
Sesan en wo bebi-teni, mɔ bɛnanɩ booko-booko gɛ e wo. Egyipiti-te ɛkɩ gɛtɛ wo diyere n di Yariha fɔ na mɛ wɔsaranyan. Gɛ Sesan ɛ ka wobi-nanɩ ɛ tɛ wɔsaranyan Yariha e to gɩna, gɛ e wo Atayi ɛ tɛ wɔ.
Atayi e wo Natan,
gɛ Natan e wo Sabedi.
Sabedi e wo Efilali,
gɛtɛ e wo Obedi fɔ. Obedi e wo Yehu,
gɛ Yehu mɔ e wo Asariya.
Asariya e wo Helesi,
gɛ Helesi mɔ e wo Eleyasa.
Eleyasa e wo Sisimayi,
gɛ Sisimayi mɔ e wo Salum.
Salum e wo Yekamiya,
gɛ Yekamiya mɔ e wo Elisama.
Kalebi wodu wʋʋ bɛnɩ
Yerameyeli wonobi Kalebi bebi-teni n di
Mesa, gɛtɛ è di wobi ɛndɩrɛ, gɛtɛ è di Sifu wote fɔ, ma wobi-teni Meresa, gɛtɛ è di Hebron wote fɔ.
Hebron bebi-teni n di
Kora, ma Tapuwa, ma Rekem, ma Sema. Sema e wo Raham, gɛ Raham mɔ e wo Yorikeyam. Gɛ Rekem na wo Samayi. Sema e wo Mayon, gɛ Mayon mɔ e wo Beti-Suri.
Kalebi wodima Efa na wo Haran, ma Mosa, ma Gasesi. Gɛ Haran mɔ e wo ebi, gɛ ɛ sa wɔ diyere alɛ Gasesi.
Yahidayi bebi-teni n di
Regem, ma Yotam, ma Gesan, ma Peleti, ma Efa, ma Safi.
Kalebi wodima Maaka na wo Seberi, ma Tirihana. Wʋʋ gama fɔ, e biri e wo Saafi gɛtɛ e tiri Madimana ditele fɔ, ma Sefa gɛtɛ e tiri Makibena ma Gibeya atele fɔ. Gɛ Kalebi wobi-nanɩ n di Akisa. Ɛbɛ nyabɛ n di Kalebi wodu wʋʋ bɛnɩ.
Efrati wobi-gyangbasɛ Huri bebi-teni n di
Sobali gɛtɛ e tiri Kiriyati-Yarim ditele fɔ. Wobi-nyɔɔfɛ n di Salima gɛtɛ e tiri Betelehem ditele fɔ, gɛ wobi-siyeefɛ n di Harefu gɛtɛ e tiri Gati-Gaderi ditele fɔ.
Kiriyati-Yarim wote Sobali wodu wʋʋ bɛnɩ n di
Harowe, ma Manahati bete ɔfan. Kiriyati-Yarim wodu wʋʋ bɛnɩ n di Itiri bete, ma Puti bete, ma Sumati bete, ma Misirayi bete. Bɛnɩ nyabɛ baanɩ gɛ Sorati bete, ma Esitawali bete be ye.
Salima wodu wʋʋ bɛnɩ n di
Betelehem bete, Netofati bete, ma Atiroti-Beti-Yowabi bete, ma Manahati bete ɔfan, ma Sori bete. Akpa yɩɩ bɛŋwaralɛ gɛtɛ bɛ sara Yabesi ditele daanɩ fɔ n di Tirati bete, ma Simeyati bete, ma Sukati bete. Ɛbɛ nyabɛ n di Keni bete gɛtɛ be ye Hamati gɛtɛ è di Rekabi dɩkpaara dɩɩndɩrɛ fɔ wanɩ fɔ.
Adele Old Testament. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.