Jabuli 133:1

Wer me pak pi kwo kacel ki kuc

1Nen kit ma bedo ber ki me yomcwiny,

ka jo pa Lubanga gibedo kacel ki mer ikin gi!

2Rom ki moo ma ngwece kur ma kionyo i wic,

ma mol bino piny wa i tik dano,

moo ma con omol ki iwi Aron obino piny wa i tike,

ma omol bene odyako wa ngut bongone woko liweng!

3Dok rom ki toyo me got Kermon,

ma luk iwi godi me Cion!

Kunu en aye kama Rwot ociko

iye pi miyo gum,

ki kwo ma bedo matwal.