Atai̠to̠s

A̠d̠ire Wa̠ Apo̠l Age̠ agi̠o̠m

Atai̠to̠s

Bho̠

Otighom

Apo̠l agba a̠gboloma̠ ma̠ a̠ghud̠um, na̠ ado̠l, na̠ agu̠o̠ o̠ni̠ ta̠ a̠rugh agu̠b̠e̠ni̠ ma̠ a̠ma̠rugh ta̠ Akrai̠st, d̠a̠ obhel wa̠ i̠na, sekina̠ Atai̠to̠s i̠gi̠ d̠a̠ ekpe A̠kriti bho̠. I̠na awe̠le̠man Atai̠to̠s i̠se̠ ma̠ okokod̠i a̠nwunom, sekina̠ o̠ro̠ o̠ni̠ we̠mu̠ irileghom raso̠si̠ ya̠ od̠i ma̠ i̠se̠ bho̠. Atai̠to̠s bha̠ o̠ni̠ ola̠ e̠ma wa̠ ubhelegi ma̠a̠ Agrik bho̠. Agu̠o̠ o̠gba bha̠ i̠na o̠ni̠ ola̠ utibereni ma̠ o̠tu̠o̠no̠m Akrai̠st ma̠ igiel bho̠ Apo̠l ake̠ ma̠ asu̠gbagba d̠o̠yo̠ bho̠.

A̠lebh onon bha̠ ola̠ ubhin unigha̠ ma̠ Atai̠to̠s a̠limon irileghom, na̠ a̠kikiom, ma̠ agu̠o̠ i̠na ta̠ a̠bhin a̠rileghom raso̠si̠ ya̠ od̠i d̠a̠ ekpe A̠kiriti bho̠. U̠b̠aram unigha̠ i̠na, ma̠ obhin orileghom a̠kokod̠ia̠n ogbo i̠damaghan, na̠ i̠tu̠ghu̠me̠ni̠ ya̠ igboloma̠ ma̠ ologi ima̠ra̠ na̠ a̠ma̠rugh, na̠ o̠nyagh a̠to d̠o̠yo̠ ogboloma̠ i̠tu̠ghu̠me̠ni̠ igunugha̠. Apo̠l agba nyen i̠d̠i̠ar ya̠ i̠na na̠ aru̠ru̠an ogir d̠a̠ ed̠ia̠ a̠nigha̠ ma̠ Atai̠to̠s.

Aru̠mu̠ i̠di̠ar ya̠ u̠ge̠ bho̠

Ibheleguma̠

O̠so̠n ikei d̠a̠ aso̠si̠

E̠mu̠ a̠fugh a̠kikiom onigha̠ a̠gbo ya̠ na̠ e̠gi̠ ma̠ aso̠si̠ bho̠

A̠kikiom ya̠ igboloma̠ ma̠ o̠tu̠o̠no̠m Akrai̠st