1 A̠timoti

O̠pu̠r A̠d̠ire Wa̠ Apo̠l Age̠ Agi̠o̠m

A̠timoti

Bho̠

Otighom

A̠timoti aro̠ ma̠ odi o̠ni̠ i̠b̠aragu̠ma wa̠ a̠tua̠n Apo̠l ibom bho̠. Ka̠din A̠timoti aro̠ ma̠ we̠mu̠ aso̠si̠ E̠fi̠so̠s ma̠ odi obhel, sa̠ Apo̠l a̠ruom i̠na ma̠ o̠gi̠ ka̠ o̠marame̠ni̠ i̠karabh atu̠ghu̠me̠ni̠ ya̠ d̠a̠ aso̠si̠ bho̠ (1 A̠tim 3:4). Apo̠l a̠b̠em ologi ma̠ o̠gi̠ ka̠ ozua̠n A̠timoti (A̠tim 3:14, 15; 4:13), ya̠a̠, i̠na a̠d̠ia̠ age̠ ma̠ a̠lebh onon agi̠o̠m A̠timoti, ma̠ onigha̠ a̠ga̠i a̠kikiom ya̠ igboloma̠ ma̠ ogir aso̠si̠ bho̠, ma̠ agu̠o̠ ola̠ o̠kpo̠me̠ni̠ ologi ta̠ A̠timoti, na̠ okikiom o̠yo̠, wa̠ aro̠ ma̠ okubh we̠mu̠ aso̠si̠ bho̠. Apo̠l a̠b̠eton ekpo abar abar i̠se̠ a̠bhin a̠kikiom A̠timoti. I̠na ab̠aram na̠ a̠ga̠i i̠d̠i̠ar ya̠ i̠kpe̠ ma̠ ogbo aru̠mu̠ irileghom aso̠si̠, na̠ d̠a̠ a̠kokod̠ia̠n i̠ko̠l ologhom, b̠o̠ka̠ a̠bhin i̠nye̠ amarame̠ni̠ ma̠ atu̠ghu̠me̠ni̠ igunugha̠, na̠ agu̠o̠ orugha̠n a̠d̠ien kere kere rebu a̠nwunom ya̠ od̠i d̠a̠ aso̠si̠ bho̠. A̠lebh onon agu̠b̠an ola̠ ulebh u̠gi̠o̠m A̠timoti ku̠ku̠m, ya̠a̠ a̠d̠izo ikikiom bho̠ od̠id̠ia̠ na̠ e̠lo̠gh agu̠o̠ na̠ enigha̠ ma̠ ogbo aru̠mu̠ irileghom raso̠si̠ a̠d̠a̠ma̠ a̠didon. Ya̠gia̠ga̠i, a̠lebh d̠o̠yo̠ onon bha̠ o̠gbara a̠d̠ire ola̠ obhin orileghom, na̠ ola̠ obhin osibhom i̠to̠to̠gi̠ aso̠si̠.

Aru̠mu̠ i̠di̠ar ya̠ u̠ge̠ bho̠

Otighom

I̠ghaghana ya̠ igboloma̠ ma̠ atu̠ghu̠me̠ni̠ igunugha̠

A̠kikiom ya̠ igboloma̠ ma̠ a̠siseiny na̠ i̠ko̠l

I̠di̠ar ya̠ igboloma̠ ma̠ odoni ikei na̠ ogbo i̠to̠to̠gi̠

Re̠kal a̠kikiom na̠ ogir bho̠

Ogir ologhom Akrai̠st na̠ i̠ghaghana wa̠ Apo̠l aghaghana ma̠ A̠timoti bho̠.