Muqeddes Kalam (latin yéziq)

Pend-nesihetler 12

Kimki terbiyini qedirlise, bilimnimu söygüchidur;

Lékin tenbihke nepretlen’gen nadan-hamaqettur.

Yaxshi niyetlik adem Perwerdigarning iltipatigha érisher;

Emma Perwerdigar hiyle-mikirlik ademning gunahini békiter.

Ademler yamanliq qilip amanliq tapalmas;

Lékin heqqaniylarning yiltizi tewrenmes. 1

Peziletlik ayal érining tajidur;

Emma uni uyatqa salghuchi xotun uning ustixinini chiriter. 2

Heqqaniy ademning oy-pikri durus höküm chiqirar;

Yamanlarning nesihetliri mekkarliqtur. 3

Yamanlarning sözliri qan tökidighan qiltaqtur;

Lékin durusning sözi ademni qiltaqtin qutuldurar. 4

Yamanlar aghdurulup, yoqilar;

Lékin heqqaniylarning öyi mezmut turar. 5 6

Adem öz zérikliki bilen maxtashqa sazawer bolar;

Egri niyetlik kishi közge ilinmas.

Péqir turup xizmetkari bar kishi,

Özini chong tutup ach yürgen kishidin yaxshidur. 7

Heqqaniy adem öz ulighinimu asrar;

Emma rezil ademning bolsa hetta rehimdilliqimu zalimliqtur. 8

Tiriship tériqchiliq qilghan déhqanning qorsiqi toq bolar;

Emma xam xiyallargha bérilgen kishining eqli yoqtur. 9

Yaman adem yamanliq qiltiqini közlep olturar;

Emma heqqaniy ademning yiltizi méwe bérip turar.

Yaman adem öz aghzining gunahidin tutular;

Heqqaniy adem musheqqet-qiyinchiliqtin qutular. 10 11

Adem öz aghzining méwisidin qanaet tapar;

Öz qoli bilen qilghanliridin uninggha yandurular. 12

Exmeq öz yolini toghra dep biler;

Emma dewetke qulaq salghan kishi aqilanidur. 13

Exmeqning achchiqi kelse, tézla biliner;

Zérek kishi haqaretke sewr qilar, setchilikni ashkarilimas. 14

Heqiqetni éytqan kishidin adalet biliner;

Yalghan guwahliq qilghuchidin aldamchiliq biliner. 15

Bezlilerning yéniklik bilen éytqan gépi ademge sanjilghan qilichqa oxshar;

Biraq aqilanining tili derdke dermandur. 16

Rastchil menggü turghuzulidu;

Lewzi yalghan bolsa birdemliktur. 17

Yamanliqning koyida yürgüchining könglide hiyle saqlan’ghandur;

Amanliqni dewet qilghuchilar xushalliqqa chömer.

Heqqaniy ademning béshigha héch külpet chüshmes;

Qebihler balayi’qazagha chömüler.

Yalghan sözleydighanning lewliri Perwerdigargha yirginchliktur;

Lékin lewzide turghanlargha U apirin éytar.

Pemlik adem bilimini yoshurar;

Biraq exmeq nadanliqini jakarlar. 18

Tirishchan qol hoquq tutar;

Hurun qol alwan’gha tutular. 19

Köngülning ghem-endishisi kishini mükcheyter;

Lékin méhribane bir söz kishini rohlandurar. 20

Heqqaniy kishi öz dosti bilen birge yol izder;

Biraq yamanlarning yoli özlirini adashturar. 21

Hurun özi tutqan owni pishurup yéyelmes;

Biraq etiwarliq bayliqlar tirishchan’gha mensuptur. 22

Heqqaniyliqning yolida hayat tépilar;

Shu yolda ölüm körünmestur.

Source notes (22)

Cross-reference ◘ Pend. 10:25
Cross-reference ◘ 1Kor. 11:7
Footnote ◼ «... oy-pikri durus höküm chiqirar» — yaki: «...oy-pikri durustur».
Cross-reference ◘ Pend. 1:11,18; 11:9
Footnote ◼ «Yamanlar aghdurulup, yoqilar» — bashqa birxil terjimisi: «Yamanlar aghdurulghanda, yoqilar».
Cross-reference ◘ Zeb. 37:36-40; Pend. 11:21
Cross-reference ◘ Pend. 13:7
Cross-reference ◘ Qan. 25:4
Cross-reference ◘ Pend. 28:19
Footnote ◼ «Yaman adem öz aghzining gunahidin tutular» — yaki «Éghizdiki itaetsizliktin rezil tuzaq chiqar».
Cross-reference ◘ Pend. 10:14; 18:7
Cross-reference ◘ Pend. 13:2
Cross-reference ◘ Pend. 3:7
Footnote ◼ «...haqaretke sewr qilar, setchilikni ashkarilimas» — ibraniy tilida bu ikki ibare «ikki bisliq» bir söz bilenla ipadilen’gen.
Cross-reference ◘ Pend. 14:5
Cross-reference ◘ Zeb. 57:4; 59:7; Pend. 16:27
Footnote ◼ «rastchil» — ibraniy tilida «heqiqetning léwi». «lewzi yalghan bolsa birdemliktur.» — ibraniy tilida «yalghanchi til bolsa birdemliktur».
Cross-reference ◘ Pend. 13:16; 15:2
Cross-reference ◘ Pend. 10:4
Cross-reference ◘ Pend. 15:13
Footnote ◼ «Heqqaniy kishi öz dosti bilen birge yol izder» — bashqa xil terjimiliri: «Heqqaniy kishi öz dostining könglidikini tekshürer», «Heqqaniy kishi dost tutushta segek bolar» yaki «Heqqaniy kishi öz dostigha yol körsiter».
Footnote ◼ «Biraq etiwarliq bayliqlar tirishchan’gha mensuptur» — bashqa birxil terjimisi: «Biraq tirishchan kishi öz teelluqatini etiwarlaydu».

Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.