1 Enganîro 8

Agandi mazîno ga bene Benyamini

1Benyamini abusire bagala barhanu: Bela, Ashebeli, Ahra, 2Noha na Rafa. 3Bela aburha abagala naye, bo: Adari, Gera, îshe wa Ehudi, 4Abishuwa, Naamani, Ahowa, 5Gera, Shefufanu na Huramu.

Abâli e Geba

6Bagala ba Ehudi, abàli bakulu b’emilala y’abantu b’e Geba, bo bahêkagwa e Manahati nka bashwêke, 7Naamani, ahiya na Gera. Oyo Gera îshe wa Uza na Ahihudi ye balulizagya. 8Shaharayimu ahulusa bakâge oku banali babirhi, Hushimu na Ba’ara, 9Arhôla owundi mukazi ye Hodeshi, aburha Yobabu, Zibiya, Mesha, Malkamo, 10Yeusi, Sakiya na Mirma. Abagala babà bakulu b’emilala.

Abayûbakaga e Ono n’e Ludo

11Erhi embere Sharayimu arhanziriburha bagala babirhi kuli mukâge Hushimu, bo: Abitubu na Elipali. 12Bagala ba Elipali, bo: Eberi, Misheyamu na Shemedi. Shemedi ayûbaka ecishagala ca Ono na Lodi n’emirhundu yabyo yoshi.

Abagula b’emilala y’emilala y’e Ayaloni

13Beriya na Shema, abo bâli bagula b’emilala y’abantu b’e Ayaloni; balibirha oku bantu b’e Gati.

Abayûbakaga e Yeruzalemu

14Bagala ba Beriya, bo: Shashaki, Yeremoti, 15Zebadeya, Aradi, Ederi, 16Mikaeli, Yishpa na Yoha. 17Bagala ba Shimeyi, bo: Zebadeya, Meshulamu, Hizki, Haberi, 18Yishemarayi, Yiziliya na Yobabu. 19Bagala ba Shimeyi bo: Zikri, Zaboyi, 20Eliyenayi, 21Adaya, Beraya, Shimrati. 22Bagala ba Sheshaki, bo: Yishpani, Eberi, Eliyeli, 23Abdoni, Zikri, Hanani, 24Hananiya, Elamu, Antotiya, 25Yifideya na Penuweli. 26Bagala ba Yerobwâmi: Shamusherayi, Shehariya, Ataliya, 27Yaareshiya, Eliya na Zikri. 28Abo bo bâli baguma ba mirhwe-mirhwe y’emilala yâbo. Bàyûbakaga e Yeruzalemu, co cishagala câbo.

Ab’omu cishagala ca Gabaoni

29Abi-Gabaoni ye warhangizagya ecishagala ca Gabaoni, mukâge izîno lyâge ye wali Maaka. 30Omugala murhanzi ye wali Abdoni, ahirakwo Suri, Kishi, Ba’ali, Neri, Nadabu, 31Gedori, Ahiyo, Zekeri, 32Mikloti, naye Mikloti aburha Shimeya. Aho nabo bàyûbakaga hôfi na bene wâbo haguma n’emilala yâbo omu cihugo c’e Yeruzalemu.

Obûko bwa Saulu

33Neri anaciburha Kishi, Kishi aburha Saulu, Saulu aburha abagala Yônatani, Malkishuwa, Abinadabu na Eshibali. 34Mugala wa Yônatani ye Merib­ Ba’ali aburha Mika. 35Bagala ba Mika, bo: Pitoni, Meleki, Tareya, Ahazi. 36Ahazi aburha Yehoada; Yehoada aburha Alemeti; Azmaveti na Zimri. Zimri aburha Motsa. 37Motsa aburha Bineya, omugala Rafa, omugala Eleyasa, omugala Aseli, 38Oyo Aseli aburha bâna ndarhu, amazîno gâbo, bo: Azrikamu, lubere lwâge, ahirakwo Bokru, Yishmaeli, Sheariya, Obadiya na Hanani. 39Aseli àgwêrhe omulumuna ye Esheki, ye waburhaga Ulam, lubere lwâge, Yeushi, wa kabirhi, na Elifêleti, wa kasharhu. 40Bagala ba Ulam babà bantu bakengwa na nfôla-miherho. Baburha bâna bâni na binjikulu bâbo banji, boshi haguma bantu igana na makumi arhanu. Abo bashokwîre boshi bâli b’oku bûko bwa Benyamini.