1 ጢሞትዮሳ 3

ዎሳ ኬ ጭሙንና

1ኦንን፥ «ዎሳ ኬ ካልዘ አስ ማቃደስ ኮይኮ ሎኦ ባዝ አሙነ» ጋዘ ኦህታ ቱሮ። 2ዎሳ ኬ ካልዘ አስ ቦርንቶሳያ፥ ፈቲ ማቻ ጻላላ የዛያ፥ ዎጋራ የዛያ፥ ፋና ናግዛያ፥ ቤዛን ፋና ኦችዛያ፥ ዛቆ ሞክዛያ፥ ታማርሶደስ ዳንዳእዛያ፥ 3ማንቶሳያ፥ ካጭንቶሳያ፥ ላሎሳያ፥ ብራ ይቅስንቶሳያ፥1 4ኤ ናኡን ኤስ ኪትንትዙንናን ቦንችዙንና፥ ፋ ኬቶ አሆደስ ዳንዳእዛያ ማቃደስ ቤዛነ። 5ፈቲ አስ ፋ ኬቶ አሆደስ ዳንዳአንጽኮ፥ ጾዘ ዎሳ ኬቶ ዋይዝ አሆደስ ዳንዳኤ?

6ኡቱራራ ኩሚ፥ ጻላሄ ጾዘ ፍርዳራ ጎልእደ ፋና ጎልአመ ፋና፥ አማኖር ሚንግካይዘ አስ ማቆደስ ቤዞስ። 7ቦረራን ጻላሄ ጽኬ ገላመ ጋር የ አ አማኖሰ አስ ካለ ሎኦ ማርካት የሳደስ ቤዛነ።

ዎሳ ኬ ዲያቆናቱንና

8ይኒ ፋና ማህ ዎሳ ኬ ዳቆናቱን ቦንችንትዱንና፥ ላምእ ዶና ኦህንቶሱንና፥ ጋማ ማዘ ኡሽ ኡዦሱንና፥ ብራ ይቅስንቶሱንና፥ 9አማኖ ሳዛ ቆፋ ጌሽ ዎዝናራ ናግዙንና ማቃደስ ቤዛነ። 10ኡን ቲኖ ፋታንንቶደስ ቤዛነ፤ ኡንታላ አፋ ቦረ ባይዛ ማቅኮ፥ ዎሳ ኬ ዳቆነ ማቂ ኦቾ።

11ይኒ ፋናን፥ ኡን ማቹን ቦንችንትዱንና፥ ዝግሮሱንና፥ ዎጋራ የዙንና፥ ኡባ ባዛ አምንንትዱንና ማቃደስ ቤዛነ።

12ዎሳ ኬ ዳቆናቱን ፈቲ ማቻ ጻላላ የዙንና ማቆ። ፋ ናኡንናን ፋ ኬቶ ሎይ አህዙንና ማቃደስ ቤዛነ። 13ዎሳ ኬ ዳቆነ ማቂ፥ ሎኦ ኦቻ ኦችዙን፥ ኡንትስ ዳማ ቦንቾን ክርስቶሳ የሱሳ ግዳ የዘ አማኖ ባዝ ኦሆደስ ምንትሞ ደንጎዳ።

ዳማ ሳዛ ቆፋ

14ታኒ Ꮉና ኪቶ ኔስ ጻፍተራ፥ ኤልሲ ኔጎ Ꮉንጎዳ ጋእ ኡፋይስ ጋዳነ። 15የዝን ታኒ Ꮉንጋንጽ ጋምእኮ፥ ጾዘ ኬ አሱን ዋይዝ የሳደስ ቤዝዛኮ ኤሮደ ፋና Ꮉኖ ኔስ ጻፍዳ። ደኦ ጾዘ ኬታ ቱረትስ ቱስን ባሳን። 16ኑ አማንትስ ሳዛ ቆፍታ ሶኤ ባይ ዳማ።

ክርስቶሳ አሾር ቆንጭዳ፤

ኤ ቱረትቶ ጌሽ አያና ማርክዳ።

ኪታንቹንስ በንትዳ፤

ኤ ካእቱምታ ዎርዣ ኡባስ ሳባክንትዳ።

አላመ የዘ አሱን አማንዳ፤

ቦንቾር ሳሎ ኤክንትዳ።