ዓይኑሞ ማፃኣፖ 111

ናንጊና ናንጋ ጎዳ ጋላቶና ጋላታ

1ናንጊና ናንጋ ጎዳም ጋላታ!

ፒዜ ዓሳ ቡኪንታ ቤዞይዳ

ናንጊና ናንጋ ጎዳ ታኣኒ ጉቤ ዒናፓ ጋላታንዳኔ።

2ናንጊና ናንጋ ጎዳኮ ማዻ ዼኤፒኬ፤

ዬያና ዎዛዻ ዓሳ ቢያ ዬያ ማላኔ።

3ማዻ ዒዛሲ ቦንቺንታያና ዲቃሢ ሄርሺሳያናኬ፤

ፂሉማ ዒዛኮ ዶዲ ናንጋያኬ።

4ዲቃሢ ሄርሺሳ ዓኮ ማዻ

ማሊንቲ ናንጋንዳጉዲ ዒ ማዼኔ፤

ናንጊና ናንጋ ጎዳ ኮሺ፥ ሃሣ ሚጪንታያኬ።

5ዒዛ ሚጪንታዞንሢም ሙኡዚ ዒ ዒንጋኔ፤

ዒዚ ዔያቶም ጫኣቄ ጫኣቁሞ ዋሉዋሴ።

6ዒዚ ፔ ዴሮም ሜሌ ዴሮ ዴኖ ዒንጊሢና

ፔ ማዾኮ ዶዱሞ ቤኤዜኔ።

7ማዻ ዒዛኮ ጎኔ፥ ሃሣ ፒዜኬ፤

ዳምባ ዒዛሲ ቢያ ጉሙርቂንታያኬ።

8ዬይ ናኣናና ዶዲ ዴዓያኬ፤

ጎኑሞና ፒዙሞና ማዺንቴያኬ።

9ፔ ዴሮም ዻቂንታ ዒዚ ዳኬኔ፤

ናንጊና ዶዲ ዴዓ ጫኣቁሞ ዒ ጫኣቄኔ፤

ሱንፃ ዒዛሲ ዱማዼያና ዒጊጪንታያኬ።

10ዔራቶኮ ካራ ማዓ ባኣዚ

ናንጊና ናንጋ ጎዳ ዒጊጪሢኬ፤

ዓይሢፆ ዒዛሲ ማዺ ኩንሣዞንሢኮ

ማሊ ጶቂሣ ዒኔ ዓኣያ ማዓኔ፤

ናንጊና ናንጋ ጎዳ ጋላቲንቴ ጎይሣ ናንጋንዳኔ! 1