Juda

ELIN̄OLO OKUTUNDA KWA

JUDA

Okulimukisa

Elin̄olo liisaniwa Juda kama lina kutumbiwa elitina lya woyo ona ku lin̄ola. Juda kame akulimukisa yonyene nji ni minaye Jakobo, woyo neli minaye Jesu. Cwale kame kulumeliwa nji niyonyene ni munjili no ainaye Jesu (1). Katulimukile nji eli lin̄olo kame lina kun̄olelwa fela ku Keleke imweya mi omu ni mulibaka no lin̄olo elyo ana kubapanya nalyo mu Testamende no kale, okubala kwaye Juda no matate kelo kame kuna kutendiwa ni ma Juda. Mu mukwa no ngeso nakun̄olela elin̄olo lyaye kwao “Onje ana kwisaniwa, ao asingiwa kwa Nyambe ni ku babalelwa kwa Jesu Kilesite” (1) Elin̄olo kame limonahala nji kama lina kun̄oliwa kuma 60 munyima no kuleiwa kwa Kilesite.

Elibaka elyo ana kun̄olela eli n̄olo eli ni kuba emamela kwa sikulumela onje nji alese okulyanga nisiwa kwa sikwiyeta no mapwa (Juda 4). Kame ana kuibapanya ni Testamende no kale nji aongotete eyo aamba. Eli lin̄olo kame likutabela eyambo ni lin̄olo lya 2 Petolosi okubeeka mane neyi no asikwiyeta no mapwa (Juda 4; 2 Pitolosi 2.1) kame ni kubapanya ni yambo no Mangeloi ni Sodoma ni Gomola.

Emitwi no yambo

Kuma tatekelo Juda kame aamba kwa sikubala (1-2).

Esi sitatamako, kame aba elibaka no kun̄ola eyi ebuka mi ni kuba emamela kwa sikwiyeta no mapwa (3-4)

Munyma yeyo kame aba emyanda okutunda kwaanu mane niinu injili eyo inakutendahala mu Testamende no kale (5-16)

Cwale kame aambela omo afanena okutambulele ku mamela eyo anaabi (17-23).

Kumamaneneno kame ayatila elin̄olo mu kulumbeka Nyambe (24-25).