ଏବ୍ରି
Hebrews
Introduction from this edition
ଏବ୍ରୀୟମାନଙ୍କ ନିକଟକୁ ପତ୍ର
ଏବ୍ରିମରଞ୍ଜି ଆସନ୍ ସିଟିନ୍
ସନେକୁଲନ୍
ଅଙ୍ଗା ମନ୍ରାଜି କ୍ରିସ୍ଟାନୁନ୍ ଆମ୍ରାୟ୍ଲଞ୍ଜି ଆସନ୍ ଆନ୍ନାମରଞ୍ଜି ଆନିଞ୍ଜିଆଡଙ୍ ଡଣ୍ଡାୟେଞ୍ଜି, ଆନିଞ୍ଜି ତି ଆ ଡନଣ୍ଡାୟ୍ ସଏଲେ ଅଃର୍ରପ୍ତିଲଜି । ତିଆସନ୍ କେନ୍ ଡନଣ୍ଡାୟନ୍ ଆଞ୍ରାଙେଞ୍ଜି ଆ ମନ୍ରାଜିଆଡଙ୍ ଅନବ୍ଉୟୁବନ୍ ଆସନ୍ କେନ୍ ଆ ସିଟି ଅନିଡନ୍ ଡେଏନ୍
କେନ୍ ଆ ସିଟିଲୋଙ୍ ୟାଗି ବର୍ନେନ୍ ଆଇଡିଡ୍ ।
ପୁର୍ବାନ୍ ସିଲଡ୍ ଡ ପୁର୍ବାଃତେ ଜାୟ୍ ଜିସୁନ୍ ଇସ୍ୱରନ୍ ଆ ଡାଙ୍ଗଡ଼ାଅନ୍ । ଆନିନ୍ ଆପେୟ୍ ଇସ୍ୱରନ୍ଆଡଙ୍ ଆଙ୍ଗିୟ୍ ଅଃନ୍ନାଲ୍ଲେଲୋ । ଜିସୁନ୍ ଇସ୍ୱରନ୍ ଆ ଡାଙ୍ଗଡ଼ାଅନ୍ ତିଆସନ୍ ପୁର୍ବାଃତେ ବର୍ନେମରଞ୍ଜି, ପାଙ୍ଲଙ୍ବର୍ମରଞ୍ଜି ଡ ମୋସାନ୍ ସିଲଡ୍ ନିୟ୍ ଆନିନ୍ ସୋଡ଼ା ।
ପୁର୍ବାନ୍ ଆ ରାଓଡ଼ାଜି ସିଲଡ୍ ଆନିନ୍ ସୋଡ଼ା ଆରି ଆନିନ୍ ଆଏଡ଼ର୍ ଡକୋତନେ । ଇସ୍ୱରନ୍ ଜିସୁନ୍ଆଡଙ୍ ରାଓଡ଼ା ଅମ୍ମେଲେ ତବ୍ନଙେନ୍ ।
ମନ୍ରାନ୍ ଜିସୁନ୍ ଆମଙ୍ ଡର୍ରନ୍ ଡେନ୍ ଆନିନ୍ ଇର୍ସେନ୍, ବନ୍ତଙନ୍ ଡ ରନବୁନ୍ ସିଲଡ୍ ଅଡ଼ୁର୍ତେ । ସରେବାସିଙନ୍ ଆ ରାଓଡ଼ାଜି ଅନମଙନ୍ ତିୟ୍ଲବୋ ଡେନ୍ ଅନୁରନ୍ ଞାଙ୍ତବୋ ଗାମ୍ଲେ ସତ୍ତର୍ ବର୍ନେନ୍ ତୁମ୍ ବର୍ରଞ୍ଜି । ବନ୍ଡ ଜିସୁନ୍ ମା ମନ୍ରାଞ୍ଜି ଆସନ୍ ଅନୁରନ୍ ଆ ତଙର୍ ଅବ୍ତୁୟ୍ଲଙ୍ଲନ୍ । ଇସ୍ରାଏଲନ୍ ଆ ପୁର୍ବାବର୍ଲୋଙ୍ ସିଲଡ୍ ଲାଙ୍ଲେଡ୍ ପୁର୍ବାନ୍ ଆ ମନ୍ରାଜି ଆ ବର୍ନେ ବର୍ରନ୍ ଇଡଲ୍ମରନ୍ ପଡ଼େନେମରଞ୍ଜିଆଡଙ୍ ଡର୍ନେଲୋଙନ୍ ରବ୍ଡୋଲନ୍ ଗବ୍ରିଲନ୍ ଡକୋନାବା ଗାମ୍ଲେ ବର୍ତଜି
ବଇନ୍ ଆ ପନାଲ୍ଲାଙ୍
୧. ଜିସୁ କ୍ରିସ୍ଟନ୍ ଇସ୍ୱରନ୍ ଆ ପୁର୍ବାଃତେ ବର୍ନେମର୍ ଆରି ଆନିନ୍ ପାଙ୍ଲଙ୍ବର୍ମରଞ୍ଜି ସିଲଡ୍ ନିୟ୍ ସୋଡ଼ା ।
୨. ଜିରୁସାଲମନ୍ ସେବା କାବ୍ବାଡ଼ାନ୍ ଆର୍ଲୁମ୍ତେଞ୍ଜି ଆ ମନ୍ରାଜି ସିଲଡ୍ ନିୟ୍ ଜିସୁନ୍ ସୋଡ଼ା ।
୩. ମୋସାନ୍ ଆ ବନାଁୟ୍ବର୍ ସିଲଡ୍ ଜିସୁନ୍ ଆ କାବ୍ବାଡ଼ା ସୋଡ଼ା ।
୪. ଜିସୁନ୍ ମା ଅଡ଼୍କୋନ୍ ସିଲଡ୍ ସୋଡ଼ା ।
୫. ଇଡଲ୍ମରନ୍ ଲାଙ୍ଲେଡ୍ ଅନୁୟୁବ୍ ବର୍ନେଞ୍ଜି ବର୍ତନେ ।
ଆଜାଡ଼ି ତଙରନ୍. Copyright © 2020 The Word for the World International. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-10-25.