ምልክያሳ 4

ጎዳ ጋላሳ

1“ሄኮ፥ ጮጨ ታማዳ ኤፅያ ጋላስ ያና፤ ኦቶራንቾትነ ኢታ ኦይሳት ኡባይ ቡረ መላ ግዳና። ሄ ያ ጋላሳይ ኤንታ ፁጋና፤ ኤንታዉ ፃጶነ ፄራ አሸና” ያጌስ ኡባፈ ዎልቃማ ጎዳይ።

2ሽን “ህንተዉ፥ ታ ሱንስ ያየይሳታስ፥ ፅሎተ አው ባ ቀፈ ጋርሳን ፓፆተ ኤክድ ከያና። ህንተ ቃሾፐ የደትዳ ኮኦ ጋሎዳ ጉፓና። 3ታኒ ኦያ ጋላስ፥ ናጋራንቾት ህንተ ቶሆፐ ጋርሳን ብድን ግዳና፤ ህንተ ኤንታ የና” ያጌስ ኡባፈ ዎልቃማ ጎዳይ።

4“እስራኤለ አሳይ ኪተታና መላ ታኒ ኮሬባ ዙማ ቦላ ታ አይልያ ሙሰ ባጋራ እምዳ ህግያነ ኪታ አኬክተ።

5“ሄኮ፥ ግታነ ያሽያ ጎዳ ጋላሳይ ያናፐ ካሰታዳ፥ ታኒ ህንተዉ ናብያ ኤልያሳ ኪታና። 6ታኒ ያዳ ቢታ ባደን ይሶና መላ አዋታ ዎዛና ናይታኮ፥ ናይታ ዎዛና አዋታኮ ዛራና” ያጌስ።