ታይቦ ማጻፋ

ታይቦ ማጻፋ

ጊዶ ቆፋ

ታይቦ ማጻፋይ ኢስራኤሌ ኣሳይ ሲና ዙማፔ ቦሶፔ ዶሚዲ ጾሲ ኢስታስ ኢማናስ ጫቂዳ ማላ ኣርሼይ ሞኪዛ ባጋራ ዲዛ ሳኮ ማታና ጋካናስ ሃኒዳ 40 ላይ ሃኖ ዮቴስ። ሃ ማጻፋዛ ሱን ማጻፋዛ ጊዶን ጻፌቲዳ ኣይፌ ዮኦ ቤሴስ። ሃ ማጻፋይ ሄ ኣይፌ ዮኦታን ሻኬቴስ፤ ኮይሮዚ ኢስራኤሌ ኣሳይ ሲና ዙማ ዬዲ ባናፔ ካሴ ሄሳካ ኢሲ ዬሌታፔ ጉዬ ዮርዳኖሴ ሻፋፔ ኣርሼይ ሞኪዛ ባጋራ ዲዛ ሞኣቤን ሙሴይ ዴሬዛ ቆዲዳይሳ ቤሴስ (1፡1—10፡10)። ናምኣንዚ ዴሬይ ናምኡቶ ቆዴቲዳይሳ ጋርሳን ኢስራኤሌ ኣሳይ ዱጌሃ ባጋራ ዲዛ ካናኔ ስ ጊዲዳ ቃዴሴ ባሪኔ ጋኪዴስ፤ ጊዶ ኣቲን ኢስታስ ሂዶታይ ኢሜቲዳ ዴሬዮ ጌላናስ ዳንዳይቤቴና፤ ሄሳ ጊሻስ ኢስቲ ሄን ዳሮ ላይ ጋምኢዳፔ ጉዬ ዮርዳኖሴ ሻፋፔ ኣርሼይ ሞኪዛ ባጋራ ዲዛ ዴሬ ቢዳይሳ ቤሴስ (10፡11—21፡20)። ሄንዚ ባጋ ዴሬዚ ሄን ዳናስ ቃቺን ሃንኮ ኣቲዳ ዴሬይ ዮርዳኖሴ ሻፋፔ ጌዴ ፒኒዲ ካናኔ ባናስ ጊጌቲዳይሳ ቤሴስ (21፡21—36፡13)። ታይቦ ማጻፋይ ዮቲዛይ ዳሮ ዎዴ ሜቶይ ኢስታ ቦላ ጋኪሺን ባቢዛይታኔ ሂዶታ ቃንጺዛይታ፥ ጾሳ ቦላኔ ኢስታ ካሌናስ ጾሲ ኢስታስ ዶሪዳ ሙሴ ቦላ ማካሊዛ ዴሬታ ጊሻሳ፤ ዴሬዚ ኣዛላኔ ማካላ ጊዲኮካ ጾሲ ኣሳ ሎኤ ኣልኢሶን ኦይኪዳይሲ ታሪኬዛን ቆንጪዴስ፤ ሄሳካ ኢሲ ኢሲቶ ሙሴስ ዳንዳያይ ይኮካ ኢዛስ ሚኖ ኣማኖይ ዲዛ ጊሻስ ኢዚ ጾሳሲኔ ዴሬዛስ ኣማኔቴን ኦዳይሲ ቆንጪዴስ።

ሃ ማጻፋይ ኦይኪዳ ኩሜ ቆፋ

ሲና ዙማፔ ዴንዲዲ ባናስ ኢስራኤሌ ኣሳ ጊጌቴ

ዴሬዚ ዴንዳናፔ ሲንን ቆዴቲዴስ

ዱማ ዱማ ዎጋታኔ ማራታ

ፓዚጋ ባኣሌ ናምኣን ቦንቾ

ሲና ዙማፔ ሞኣቤ ዴሬ ቡስ

ሞኣቤ ዴሬን ፖሌቲዳ ሃኖታ

ጊብጼፔ ሞኣቤ ዴሬ ጋካናስ ቡስ

ዮርዳኖሴ ሻፋ ፒናናፔ ካሴ ኢሜቲዳ ኣዛዞታ