Kitaaba Faaru'uu 67

Faaruu Leellisaa

Faaruu takka, ta meya ribu'uutiin faarfatante, sooressa faarfattootaatiif.

1Waaqi nu mararuu ti; nulle eebbisuu ti;

fuula ifii akka nu irratti ifu godhuu ti.

2Achiin duuba, karaan keeti lafa duudii irratti,

fayyisiis keeti

gosa biyya adda addaa mara oddu'utti hin beekkama.

3Ee Waaqa, kolbaan si leellittuu ti;

kolbaan marti si leellittuu ti.

4Ati haqaan kolbaa maratti waan murtuuf,

gosa biyya adda addaa waan sooressituuf,

gosi biyya adda addaa gammadaan ilillittuu ti.

5Ee Waaqa, kolbaan si leellittuu ti;

kolbaan marti si leellittuu ti.

6Latti midhaan baatteerti;

Waaqi, Waaqayyoon keenna nu hin eebbisa.

7Waaqi nu hin eebbisa;

kolbaan lafa irraa marti isa hin sodaatti.