Kitaaba Faaru'uu 24

Mooticha Guddaa

Faaruu Daawitii.

1Lafaa fi wonni lafa irra jiru marti

ka Mootii Waan Maraa ti;

biyyi lafaatii fi worri isii keessa le'u marti ka isaa ti.

2Inni lafa hundee abbaaya'aa irra keye,

bisaan irra isii jabeessee dhaabe.

3Gara kooba Mootii Waan Maraa ka ol bayu eennu?

Dunkaanii isaa woyyittii keessa ka dhaabbatu eennu?

4Nama harka qulqullu'uutii fi gadhaa qullu'uu,

ka waaqota dharaa hin waaqonfanne,

ka sobaan hin kakanne qofa.

5Inni Mootii Waan Maraa biraa eebba,

Waaqa fayyisaa biraa balchummaa hin dhaggata.

6Dhalooti isa barbaadu isaan kana;

ee Waaqa Yaaqoobii,

worri fuula keeti barbaadu isaanuma kana.

7Mootiin ulfinnaa akka seenu,

Ee Karra, gara maraan banama'a!

Isin balbala durii durii, badhadha'aa banama'a!

8Mootiin ulfinnaa kun eennu inni?

Inni Mootii Waan Maraa jaba'aa fi janna;

inni Mootii Waan Maraa ka lolaan jaba'aa ti.

9Mootiin ulfinnaa akka seenu,

Ee karra, gara maraan banama'a!

Isin balbala durii durii, badhadha'aa banama'a!

10Mootiin ulfinnaa kun eennu inni?

Inni Mootii Waan Maraa Ka Waan Mara Dade,

mootii ulfinnaa ti.