Kitaaba Faaru'uu 110

Mooticha Mootiin Waan Maraa File

1Mootiin Waan Maraa Goottaa1 kiyyaan,

«Haga ani diinota keeti

ejjata miila keetii jala kewutti,

ati midda kiyya tee'i» jedhe.

2Mootiin Waan Maraa

Xiyoon irraa ulee bokku'uu

ta jabeenna keetii si'iif hin erga;

atille diinota keeti irratti mootii te'i!

3Guyyaa ati diinota keeti loltu,

kolbaan teeti fedhii ifiitiin si woliin hin duulan;

dargaggooti teetille akka fixeensa dayya'a boru'uu,

kooba woyyittii irratti gara keeti hin dhufan.

4Mootiin Waan Maraa,

«Akkuma hayyummaa Malkiisedeqii,

ati hayyuu bara baraa ti» jedhee kakateera;

inni yaada ifii hin jijjiiratu.

5Mootiin Waan Maraa midda keeti jira;

guyyaa mufii ifii mootota hin butucha.

6Inni gosa biyya adda addaatitti hin mura;

reeffa isaan keessa hin guuta;

bulchitoota lafaa duudiille hin butucha.

7Mootichi madda karaa cina'aa keessaa

bisaan hin una;

tanaaf inni mataa ifii ol hin qabata.