2 ቆሮንቶሳ

ካፋራመሮ ጳዉሎሳኮክ ሀንዳ ካላም

ካቆሮንቶሳ እባዶ ቶስ

ታባኖ

ጳዉሎሳ ካቆሮንቶሳ እባዶን ካጻፈረ ካላም ሀንዳ ካኮንጻፋመረ ቆሮንቶሳ ካግሮ አማኒልነ ዎታ ታግቴ ኤሴላ ኣሎ ቃራ ታኮሌተተያ። ኮኮ ምን ካዋክ ማጋናል ታአቲ ቱፍ ጳዉሎሳ ጉት ካአባናየን ጎሌና ጳዉሎሳ ዎጋርስ አብን ካአቲ ሀልቻ ኡሱን ግራኖ ቱሳራ፤ ህክና ካኮሌ ጎራታ ገጌሎ ኦአቲ ኡሱን ማልሳሚን ካዳንዳራን ቱሳራ።

ካሆራርጄ ሀንዳኬሳይ ጳዉሎሳ ቆሮንቶሳ ካግሮ አማኒልነ ዎታ ታአቦ ኤሴላ ቱሳ ምን ካዋይ ኦሮ ታኬተቶ ቱፍዉና ኔባንጄን ሙን ካአቲ አባብ እሶን አባበሮ አዴስሳራ። ሂካኮ ኢንሰ አብስሳኖ ሀድሳኖኬሳ ጩቦኮ ጉላጋላኖ ቶንሳ ዎጋርስ ቶስ እሶ ካቃጄልሰሮ ላኖ ኡሱን ኦማልሳሜራን ገጌሎ እሶን ቱሳራ። ደቤና ኡል ካይሁዳይ ካግሮ አማኒል ጋርጋርን አዳ. ጎጎስስራዉን እሶ ሻድሳራ። ካጋቾ ፎልሲሊና ጳዉሎሳ ፋራማኖኬሳ ጉት ካኬሮ ሞቶን እስጉኮ ትራታኖኮክ አባብ ስሳራ። ካቆሮንቶሳ ምና ካዋይ ኮኮ እባዶ እስኦቴሳ ካሩም ካፋራመሮ የላተጉረ ጳዉሎሳ ካጣራ ካፋራመሮያ አማ ኡሱ ሞታ ግረን።

ራቶ ሂክ ማጻፋ ካአበራ

ቆፋ ታሆሬ

ጳዉሎሳና ካቆሮንቶሳ ምን ካዋ

ይሁዳይ ካግሮ አማኒሉን ጋርጋርሳ

ጳዉሎሳ ፋራማኖኮክ ኦዶናትዉን ካስሰሮ እስ ጉኮ ትራታኖን

ጉድሳኖ