Tito

Olwaandiko lwa Paulo hali

Tito

Obweébeembezi

Olwaandiko olu lukaandikwa na Paulo, entumwa ya Yeézu Kristu. Obuchilo bugufu acháali kwaandika olwaandiko olu, Paulo akaba naakola emilimo ya Múungu hamo na Tito omu iziinga lya Kirete. Paulo kayaalugile okwo, yaámwaandikila Tito olwaandiko olu lwe ebilagilo habwo kwiimeelelela abeekiliza okwo Kirete. Akamuha Tito emilimo yo kutóoza abanyaampala be ekelezia. Káandi, akamuneembelela abone kubatiimbya emiganya abeekiliza ba Kirete, habwo kuba bakaba baliho abeégesa be ebisuba.

Ebinogoka bíinzi byo olwaandiko olu lwa Tito nibisusana bwooli ne ebinogoka omu lwaandiko lwo kubaanza lwa Paulo ahali Timoteo. Neesana nka nikwo enyaandiko ezi ibili zikaandikwa obuchilo búmo. Koólaayeénda kusoombookelwa bwooli echigaambo bunaanka éecho olaásaanga omu lwaandiko olu, nitukusaba oleebe omuli olwo lwaandiko lwo kubaanza lwa Paulo hali Timoteo.