పవిత్ర్ బైబిల్‍
యోహా 14
యేసుస్‍ దేవ్నుకన జావన వాట్
యేసు ఇవ్నేతి బోల్యొ, తూమరు దిల్మా చింతానోకో పడాదిసు; దేవ్‍పర్‍ వీస్వాసం రాకొ మారఫర్‍బీ విస్వాష్‍ రాకో. మారు “భాను” ఘార్మా కెత్రుకి జీవాను ఛా, నావుసెతో తుమారేతి బోలిస్‍; తుమ్నా జొగొ సిధ్దాపరచానటెకె అగాఢి జంకురూస్‍ మే జైన్‍ తుమ్నా జొగో సిధ్దాపరిచ్చాతో మే ర్హాయోతే జొగొమా తుమేబి ర్హావహఃర్కూ బుజు ఆయిన్‍ మారకనా ర్హావనటేకె తుమ్నా బులైలీజైస్‍ మే జంకరూతె జొగోను వాట్ తుమ్నా మాలంహుసె.
ఇనటేకె “తోమా ప్రభూ కెజ్గా జంకరస్కి” హంనా మాలంకోయిని; యో వాట్ హంనా కిమ్‍ మాలంపడ్సే కరి ఇనా పుఛ్చావమా.
యేసు ఇవ్నేతి బోల్యొ, మేస్‍ మారగ్‍బీ హాఃఛిబి, జివంబి; మారవలస్‍ తప్ప కోన్బి భాకన కోఅవ్సేని. తుమే మన మాలంకరిరాక్యాతో మార భానబీ మాలంకర్సు; హంకేతీ లీన్‍ తుమే ఇనా మాలంకరుసు, బుజు ఇనా దేక్కిరాక్యస్‍ కరి బోల్యొ.
తెదే ఫిలిప్పు బోల్యొ, ప్రభూ భాన హమ్నా వతాల్‍ హామ్నా యోస్‍ బైస్‍ కరి బోల్యొ.
తెదె “యేసు ఫిలిఫ్పుతీ బోల్యొ, మే అత్రాధన్‍ తుమార కనా ర్హాయోతొబీ తూ మన మాలంకొకర్యనీ సూ? మన దేక్కావాలు భానబీ దేకిరాక్యుస్‍ ఇనాటెకె ‘భాన హమ్నా వాతల్కరి’ కిమ్‍ బోలుకరస్‍? పిలిప్పు భాకనా మే, మరాకనా భా ఛా కరి తూ నమ్ముకరా కోయినిసూ? మే తుమారేతి బోలుకరుతే ఆ వాతె మారు ఖూద్ను మేస్‍ కోబొలుకరుని భా మారమా ర్హాతోహుయిన్‍ ఇనా క్రియల్‍నా కరూకరస్‍ కరి” సిష్యుల్తి బోల్యొ. భా కనా మే మారకనా భా ఛియ్యేకరి ఆవాత్నా నమ్మో; నైయితొ క్రియల్నాతోబి నిమితంతోబి మన నమ్మో.
మే భా కనా జావుంకురుస్‍ ఇనటెకే మే కరుతె క్రియల్‍ మారప్పర్‍ విస్వాష్‍ రాఖవాలనబీ కర్‍సే, ఇనేతిబీ బుజు ఇనెతిబి గోప్ప యో కర్సేకరి తుమారేతి ఖాఛితి బోలుకురూస్‍ తుమే మార నామ్‍మా కెహూ మాంగ్‍సుకి మల్సె, భా ఛియ్యోనాకన మహిమపరచనటెకేస్‍ ఇనకర్సే. మార నామ్తీ తుమే మారకన సాత్‍ మాంగితోబి మే కరిస్‍.
పరిషుద్ధాత్మను బారెమా వాగ్దానం
తుమే మన ఫ్యార్‍కర్యతోతెదె మార ఆజ్ఞన్‍లా మాలంకర్సు. మే భాన వేడిలేవుంకరు, తుమారకనా హమేసా ర్హావనటేకె యో అలాదు మద్దత్‍ కరవాలో, దిస్యే. ఇనే దేవ్ను హాఃఛిన బయల్పర్చనటేకె ఆత్మహుయీన్‍ ఛా, ములక్‍ ఇనా కేదెబి కోదేక్నారుని, యో ఇవ్నామాలం ఇనాటేకె తుమే ఇనా గుర్తుధరస్‍ యో తుమరేతి నివసింసే, తుమారమా రాసే.
తుమాన అనాదుతరా కోమేదిస్ని తుమారకనా థొడు ధన్నా బాద్మా ఆయిస్‍ ఆ ములక్‍ మనా అజు కేదేబి దేక్సెకొయిని. హుయితొ తుమే మనా దేక్సు, పన్కి బుజు తుమే మన దేక్సూ, మే జిమ్‍క్రూతె ఇమ్‍ తుమేబి జివ్సూ. యో ధన్ ఆయుతెదె, మే మార భాకనా ఛావు కరి, తుమే మరాకన మే తుమారకనా ఛియ్యేకరి యో ధన్నా తుమే మాలంకర్సు.
మార ఆజ్ఞాల్‍నా అంగీకారించీన్‍ ఇవ్నామాలంకర్య హుయోస్‍ మన ఫ్యార్‍వాలో. మన ఫ్యార్‍కరవాలో మార భాతి ఫ్యార్‍హుయు బడ్సే మేబి ఇనా ఫ్యార్‍కరస్‍; మనాబి ఇవ్నా ఓపిలిసే కరి బోలాస్.
యూదా ఇస్కరియోతు కాహేతె బుజెక్‍ యుదా, ప్రభూ తూ ములక్నా కాహేతీమ్‍ హమారు హామ్నాస్‍ తారు తునా దెఖాడిలేవను సే? పుఛ్చావమా.
తెదె యేసు ఇవ్నా బోల్యొ, ఏక్జాను మన ఫ్యార్‍కరతే యో మారి బోధా గ్రహించే తెదె మారో భా ఇనా ఫ్యార్‍కరస్‍; హమే ఇనకనా ఆయిన్‍ ఇనా ఖందె నివాసం కరుసు. మన ఫ్యార్‍కరకొయిన్‍తే వాలో మారి బోధనా ఖాంచేకొయిని; తుమే ఖాంజుకరతె బోధ మారి బోధ కాహే మన మోక్లోతే భాను బోధ.
మే తుమారకనా థో. తెదేస్‍ ఆ వాతె ఖారి తుమారేతి బోల్యొ థో. ఆదరణకర్త, కతో భాన నామ్తీ బోలిమోకల్సేతే పరిసుద్ధాత్మ, సమస్తంనా తుమ్నా బోధించీన్‍ మే తుమారేతి బోల్యోతే సంగతుల్‍ ఖారూబి తుమ్న హఃయాల్‍ కరావ్సే.
షాంతినా తుమ్నా అనుగ్రాహీంచీన్‍ జంకరూస్‍; మార షాంతినస్‍ తుమ్నా అనుగ్రాహీంచుకరుస్‍; ములక్‍ దేవుంకరస్‍ తీమ్‍ మే తుమ్నా అనుగ్రాహించుకరుస్‍ కోయిని, తుమారు దిల్నా బాధనొకొ పడాదేవో బుజు కినాబి నొకొదిసూ. మే జైన్‍ తుమారకన పాఛ్చు ఆయిస్‍ కరి బోల్యోతే వాత్‍ తుమే ఖాంజ్యా కోయినా భా మరేతిబి గోప్ప వాలొ ఇనటెకె తుమే మన ఫ్యార్‍కర్యతో మే భాకనా జావుంకురుస్‍ కరి తుమే ఖూషిహుసు. ఆ సంగతి హువాకొయిన్‍తే అగాడి తుమే నమ్మును కరి యో సంభావించనా అగాఢీస్‍ తుమారేతి బోలుకారుస్‍ హంకెతూ తుమారేతి జాహఃత్‍ వాత్‍కోబోలిస్ని; ఆ ములక్ను అధికారి ఆవుంకరస్‍; మారేతి ఇనా సంబంధమ్‍ కాయ్బి కొయిని. హుయుతోబి మే భాన ఫ్యార్‍కరుకరస్‍; ములక్నా మాలంకరును తిమ్‍ భా ఆజ్ఞాపించోతె హువతోడి మే అమ్మస్‍ కరిస్‍ ఉట్టో అజ్గాతి జైయే.
పవిత్ర్ బైబిల్‍. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.