Baloma

Kalata ya Paulo ku

Baloma

BUSANSULUSHI

Kalata ya Baloma yalalembwa ne Paulo, mpani mwela kuba mucaka ca 54 nambi 58 A D Pacindici Paulo walikatana afwakashila ku Loma, neco walatuma kalata kuli baklistu ku Loma, ponse pabili Bayuda ne babula kuba Bayuda. Iyi kalata walailemba kali mu munshi wa Kolinto, nkwalikwikala pacindico. Walailembela kwambeti mishobo yonse ishome ne kunyumfwila Yesu Klistu 16:26.

Libuku lya Baloma ni libuku lilayandikinga kuli baklistu kulikonse, kayi pacindi ciliconse pacebo cakwambeti, Paulo lambanga cishikunyumfwika cena kayi mwalumbuluka sha lupulusho, kayi ne motwela kuba nalo muli Yesu Klistu. Paulo kayi walekatanya cena mulumbe wa Klistu ne Cipangano ca Kaindi. Beshikuyanda kwishiba bintu bingi bakute kutotekeshana kwambeti kampango kanene mulibuku ili ni 1:16 apo pakute kwambeti, nkandela kunyumfwa nsoni pacebo ca Mulumbe Waina, pakwinga engofu sha Lesa shalupulusho, kayi uliyense lashomonga, kutatikila Muyuda kushikila kuli wabula kuba Muyuda. Cibela cakutanguna 1-12 ni mano a lwiyo lwa makani afukulwa, cibela catubili 13-15 cikute malailile ela kusebensa cena mubwikalo bwa ciklistu.

Mitwi ya makani

Paulo latatikinga kalata yakendi mbuli lyonse pakulyamba mwine ne kubamba abo mbwalalembelenga kalata 1:1-15

Cakonkapo lalembenga shabwikalo bwabwipishi bwamuntu, ne lushomo lwakutonshanya kupitila muli Yesu Klistu 1:16 mpaka 11:36

Panyuma pakendi lapanga malailile akonkoloka abwikalo bwaciklistu, 12:1 mpaka 15:13

Lapwishinga libuku lya Baloma pakupa mitende bantu bali mumubungano waku Loma 16.