ትቶ 3

አማንዘ አስ ኦቻ

1አሱን ዎርዣ አህዙንስ፥ አደት ዎልቃ የዙንስ አዳትራ ኪትንቶደ ፋና፥ ሎኦ ኦቻ ኡባ ኦቾደስ ጊግንትዱንና ማቃደ ፋና ቆፕዞ። 2ማህን ኡን ኦደላን ኢታ ኦህንታመ ፋና፥ ሳሮ አስ ማቃደ ፋና፥ ዳልጋን አስ ኡባስ አዳ ማቃደ ፋና ዞሮ። 3ኑ ዛጋ ኤዩንና፥ ኪትንቶሱንና፥ ባልንትዙንና፥ ዱማ ዱማ አሾ ኡፋይስስን አሞስ አሮ ፋና ማቅዱንና። ኑ ኢታትራን ቅናተራ ኩምዱንና፤ ኑኒ አስ እጽዙንና፥ አስን ኑና እጽዙንና። 4የዝን አሽዘ ጾዘ ኬሃትን ሲቆ ቆንጭደ ዎደ 5ኑ ኦችደ ጽሎ ኦቻ ግሾ ባይዝን ፋ ማሮትት ግሾ ኑና አሽዳ። ኑና ኤ አሽዳና፥ ላምእን የልንተ ሜጭንተራን ጌሽ አያና ባጋራ እንግደ ክለ ደኦር። 6የ አያንዛ፥ ጾዚ ኑና አሽዘ የሱስ ክርስቶሳ ባጋራ ኑላ አፋ ጋን ጉስዳ። 7ፋ አ ኬሃትት ባጋራ ኑና ጽልዚ መዽና ደኦ ላታ ኡፋይስ አይኮደ ፋና ይኖ ኦችዳ። 8Ꮉይ ቃልዘ አምንንትደ ቃላ። ጾዛ አማንዙን ሎኦ ኦቻ ኦቾደስ ጊግዱንና ማቃደ ፋና ነ Ꮉና ቃልቶ ምን ኦሆደ ፋና ታ ኮያነ። Ꮉንስ አስ ኡባስ ሎኦን ማድዘ ባዝ። 9የዝን ኤያት ላለፓን፥ ኮች ፋይደፓ፥ ካቻፋን ህገ ምክናተራ ደንድዘ ላለፓ ናግንቶ። ይና ማደን ትርፈ ባይዘ ባዝ። 10ሻክንተ መዘ አ ቲኖ ዞሮ፤ ላምእን ካጮ ይንፓ ሱባ ኤፓ Ꮉኮ። 11ይኒ ጋርዘ አስ ዎቦን ናጋራንቾ፤ ኤ ፋላ አፋ ፍርድዛኖ ኤሮ።

ዉርሱ ዞረ

12ታኒ ስላ የይጋ ኣደስ ቆፕደ ግሾ አርጤማሳ ዎይ ትክቆሳ ኔጎ ኪትዘ ዎደ ነ ታጎ ንቆጵልዮና ካታማ ዮኦደስ ኤልሶ። 13ህገ ኤራንቻ ዜናሳን አጵሎሳ ኦገ Ꮉንግዘ ዎደ ኡንትስ ኮሽዘ ባዝ ፋጫመ ፋና ኡንታና ማዶ።1 14ኑ አሱንን ፋሰ አስ ማቂ አታመ ፋና ፋስ ኮሽዘ ባዝ ደንጎደ ፋና ሎኦ ኦቻ ኦቾደስ ሚንግ ታማሮ።2

15ታራ የዘ ኡቡን ነና ሳሮ ጋነ፤ አማኖራ ኑና ሲቅዘ አሱንና ሳሮ ጋኦ።

ጾዘ አ ከሃትታ ይን ኡቡንራ ማቀ። አምንኤ።