1 ጴጥሮሳ 3

አዝንን ማቺ ባዝ

1-2ይኒ ፋና፥ ማቹን፥ ይን አዝኑንፓ ጾዘ ቃላስ ኪትንቶሱን የዝኮ ዣሽሞራ የዘ ይን ጌሽ የስቶ ብእ ጾዘ ቃላ ባይ ፋ ማቹን የስተ አማኖደ ፋና ኡንትስ ሎኦተ። 3ይን፥ ይን ኦማ ዳደራን ዎርቃ አራ ዎይ ሎኦ አፉላ ማኤራ ማቅፈ።1 4የዝን ይን ዎዝንተ የዘ ሎኦትታ ጾዘ ቲኖ ይንትስ ጋማ አልኦ ማቅደ ቦሰ፥ ዳልጋን ዎፑ ጋይደ አያና ማቀ።2 5ጾዚ እንጎዳ ጋይዳኖ አማንደ ጌሽ ማቹን ዛጋ ዎደ ፋ አዝኑንስ ኪትንት፥ ፋና ይኒ ጋር ጋማ ቦንችዝዳ። 6ይኒ ጋራን ሳራ አብራሃማጎ፥ «ላ» ጋእ ጼጊ፥ ኤስ ኪትንትዳ፤ ይንትን አኮን ዣሽትካይዛራ ሎኦ ባዝ ኦችኮ እ ናኡንና።

7ይንትን አዝኑን፥ ይን ማቹን ይንታፓ ዎልቃ ባይዘ መ ማቅዳኖ ኤሪ፥ ኡንታና ቦንቾተ፤ ይን ዎስትስ በ ማቃመ ፋና ጾዚ እንግደ ደኦ ኡን ይንታራ ዎላ ላትዘ ግሾ ኡንታና ቦንቾተ.3

ሎኦ ኦቺ ማ ኤከ

8ዉርሱተ፥ ኡቡን ፈቲ ቆፋራ የዞተ። ዎል ካተ፥ እሸ ፋና ዎል ካተ፤ ማህ ፈታይ ፈታይስ ዳልጋን አዳ ማቆተ። 9ኢታ ግሾ ኢታ ዎይ ጫሽ ግሾ ጫዥ ማህፐተ፤ ይኖ አሺ፥ ጾዚ ይንትስ አንጆ እንጎደስ ይንታና ጼግደ ግሾ አንጆተ። 10አኮስ ጋይኮ፥ ጌሽ ማጻፍተ፥

«ደኦ ካዘን ሎኦ ቃማ በአደስ ኮይዘ ኦና የዝኮን ፋ እልአንተ ኢታ ባዝ ኦህዛኖ አሾ፥

ዶንታን ገነ ኦሃመ ፋና ተቆ።

11ኢታ ባዝ ኦችዛኖ አሺ ሎኦ ባዝ ኦቾ፤4

ሳሮት ኮዮን ካሎ።

12ላ ኣፈ ጽሉንና በእነ፤

ማህ ኤ ኡባ ዎደ ኡን ዎስቶ Ꮉይዛነ።

የዝን ላ ኢታ ባዝ ኦችዙንና ፋ ካች ስንቶ ቤዛነ»

ያጋይዳ።

13ይን ሎኦ ባዝ ኦቾደስ አሙኮ ይንታና ካዮደ ኦደ? 14መለ አቶ የዝን፥ ጽሎት ግሾ ይን ማኮ አንጅንትዱንና። አስስ ዣሽትፐተን ይርግፐተ። 15ክርስቶሳ ይን ዎዝንተ ቦንቾተ፤ ይን ደእተ ላ ማሆተ። ጾዚ ይንትስ እንግደ ኡፋይስቶ ኦጭዘ ኦደስን ማሄ እንጎደስ ኡባ ዎደ ጊጊ የዞተ፥ የዝን ይናን አዳትራን ዣሽሞራ ማቀ።5 16ማህ ክርስቶሳ ግዳ የዘ ሎኦ የስቶ ጫዥዘ አሱን ኢታ ባዝ ኦችደ ፋና፥ ይንታና ዝግርዛነ ኡን ዬልደ ፋና ሎኦ ዎዝና የሰ። 17ጾዘ ቆፋ ማቅኮ ኢታ ባዝ ኦቺ ማ ኤክዛንፓ ሎኦ ባዝ ኦቺ ማ ኤክዛና ሎኦ። 18ክርስቶሳ ኑና ጾዛጎ ሺሾደስ ፋስ ጽሎ ማቂ የዝተራ፥ ናጋራንቹን ግሾ ፈቲ ቶሄ ናጋራ ኡባስ Ꮉይቂዳ፤ ኤ አሾራ Ꮉይቂዳ፥ የዝን ጌሽ አያናራ ደኦ ማቅዳ። 19ማህ የ አያንዘራ ኤ Ꮉንግ አች ኬ የዘ ሸምፑንስ ቃላ ኦህዳ። 20ኖሄ ማርካበ ኬጽዘ ዎደ የን ሸምፑን ጾዝስ ኪትንታንጽዳ፥ የዝን ጾዚ ኡንታና ዳንዳእዳ። ኦስፉን አስ ጻላላ ማርካበ ገሊ፥ ብሰ Ꮉትፓ አትዳ። 21የ ብሰ Ꮉዘ Ꮉተ ይንታና አሽዘ ጽንቃተ አዝዘ ማቅዳ። ይና ጽንቃታ ጋላ ሃ ሜጨ ባይዝን ሎኦ ቆፋ ጾዛፓ ኤኮደስ ኡፋይስ ገልዘ ኦገ ማቂ፥ ክርስቶሳ ደንድት ባጋራ ይንታና አሻነ። 22ኤ ሳሎ ኡዲ ጾዘ ምዛቅተ በትን፥ ኪታንቹንን፥ ዎልቃ አዱን ኤስ Ꮉርንትዳ።