ፈኬኘ 3

ኤበ ኦጉማ

1ያ እልመኮ፣ በሩምሰ አን ሲፍ ኬኑ ህንደገትን፤

አጀጀኮስ ገራት ቀበዹ፤

2እሳን በረ ባይኤፊ ኡሙሪ ዼራ፣

ነጋፊ በዻዹማ ሲፍ ደበሉቲ።

3ጃለሊፊ አመነሙማን ዮምዩ ስራ ህንፈጋትን፤

ሞርመኬት ህዸዹ፤

ገበቴ ገራኬረትስ በሬፈዹ።

4አት ከራ ከናን ፉለ ዋቃቲፊ

ፉለ ነማ ዱረት ሱራፊ መቃ ጋሪ ንአርገተ።

5ገራኬ ጉቱን ዋቀዮን አመነዹ፤

ሁበትናኬስ ህንአብደትን፤

6ከራኬ ሁንደ ኬሰት እሰ ዱርስ፤

እንስ ዳንዲኬ ሲፍ ቀጄልቸ።

7አን ኦጌሰ ኦፊን ህንጄዽን፤

ዋቀዮን ሶዳዹ፤ ዋን ሀማራስ ፈጋዹ።

8ወን ኩን ዸግነኬቲፍ ፈያ ኬነ፤

ለፌኬሌ ንሃሮምሰ።

9ቀቤኘኬቲን፣

መታ ምዻንኬቲ ሁንዳንስ ዋቀዮን ከበጅ፤

10ዮስ ጎምብሳንኬ ሀመ እራን ዸንገለኡት ጉተመ፤

እዶን ጩንፋ ወይኒኬቲስ // ዳዺዻን ጉተሜ እራን ዸንገለአ።

11ያ እልመኮ፣ አደቢ ዋቀዮ ህንቱፈትን፤

ዼከምሰሳስ ህንጅብን።

12ዋቀዮ አኩመ አባ እልመ ኦፊሳ ጃለቱ ቶኮት

ወረ ጃለቱ ንአደባቲ።

13ነምን ኦጉማ አርገቱ

ከን ሁበትናስ አርገቱ ኤብፈማዸ፤

14ኦጉማን ሜቲ ጫላ ፋይዳ ቀባቲ፤

ወርቄ ጫላስ ቡኣ ነማፍ ቡሰ።

15ገቲንሼ ገቲ ሉለ ዲማ ጫለ፤

ወን አት አከ መሌ ሀውቱ ከምዩ እሼዻን ወል ቅጣቹ ህንደንደኡ።

16ጅሬኝ ዼራን ሀርከሼ ምርጋ ኬሰ ጅረ፤

በዻዹማፊ ኡልፍን ሀርከሼ ብታ ኬሰ ጅሩ።

17ከራንሼ ከራ ነመ ገመቺሱዸ፤

ዳንዲንሼ ሁንድስ ነጋዸ።

18እሼን ወረ ጀቤሰኒ እሼ ቀበተኒፍ ሙከ ጅሬኛት፤

ወር እት ጭቸኒ እሼ ቀበተንሞ ንኤብፈሙ።

19ዋቀዮ ኦጉማዻን ሁንዴ ለፋ ቡሴ፤

ሁበትናዻንስ ሰሚወን እዶሳኒ ካኤ፤

20ቤኩምሰሳቲን ቱጁበወን ገርገር ቆደመን፤

ዱሜሶንስ ፍጤንሰ ጮጮብሰን።

21ያ እልመኮ ኦጉማፊ ሁበትና ዹጋ ኤገዹ፤

እሳንስ ፉለኬ ዱራ ህንዸበምን፤

22እሳን ጅሬኘ ሲፍ ተኡ፤

ሞርመኬ ሚዸግሱፍስ ፋየ ሞርማ ሲፍ ተኡ።

23ዮስ አት ከራኬ ነጉማን ዴምተ፤

ሚልኬስ ህንጉፈቱ፤

24አት ዮ ረፍቱ ህንሶዳቱ፤

ህርብንኬስ ዮ አት ረፍቱ ስት ምኣወ።

25በላ አኩመ ተሳ ስት ዹፉ

ዮካን በዲሰ ሀሞተ ገላፈቱ ህንሶዳትን፤

26ዋቀዮ እርኮ ሲፍ ተኣቲ፤

አከ ሚልኬ ክዮዻን ህንቀበምኔስ ስ ኤገ።

27አት ዬሮ ዋን ቶኮ ጎቹዻፍ ኣንጎ ቀብዱት፣

ወረ ወን ጋሪን እሳኒፍ መሉራ ዋን ሰነ ህንሀንቅስን።

28ኡቱ አመ ዋ ቀብዱ፣

ኦላኬቲን፣ “ዬሮ ብራ ዴብኢ ኮቱ፤

አን ቦር ሲፍን ኬናቲ” ህንጄዽን።

29ኦላኬ ከን ስ አመኔ ስ ጭነ ጅራቱ ሚዹፍ ጄቴ

ዋን ሀማ እት ህንያድን።

30ነመ ቶኮ ኡቱ እን ሆማ ስ ህንጎዽን

አከሱማን ህንሚዽን።

31ነመ ደባት ህንህናፍን፤

ዮካን ከራሳ ቶኮሌ ህንፍለን።

32ዋቀዮ ነመ ጀልኣ ንጅባቲ፤

ነመ ቀጄላ ገሩ ኦፍት ኣንፈተ።

33አባርስ ዋቀዮ መነ ነመ ሀማረ ቡአ፤

እን ገሩ መነ ነመ ቀጄላ ንኤብሰ።

34እን ቆስቶተ ኦፍ ቱልቶተት ንቆሰ፤

ወረ ገድ ኦፍ ቀበኒፍሞ አያነ ኬነ።

35ኦጌዪን ኡልፍነ ዻሉ፤

ጎዎተ ገሩ እን ንቃኔሰ።