Akaaloma

Lihamba lya Paulo kwa

Akaaloma

Ulongolelo

Kitabho kya Akaaloma kinguhwachilwa kukita pangi kikityekwa na Nndumila Paulo mu nkati ya ngungwa ya 54 na ya 58 mbole ya kubhelekwa kwa Yesu. Paulo kakibhegha kakali kughenda ku kitami kya Loma, ndo kakiapegha lihamba ali ngati kakaalaghile yakya kutama bhala bhaanhyubhalilite Kilisito bha akwo Loma, bhoha Ayahudi na bhaabheghite ng'obhe Ayahudi. Pakatyekitye lihamba ali ywombe kakibhegha ku Kolinito. Kakilityeka lihamba ali ngati milima yoha yinhyubhalile na kunnyitikila Yesu kilisito (16: 26).

Kitabho kya Akaaloma ndo kitabho kinakunoghela kwa Akaakilisito pwohele mu ngungwa yoha kya bhula Paulo pakatyeka kya uyaghi na kwa umaha pakalubhulila yakya ulopoho ghutughuhotola kughumokola kukindila kwa Yesu Kilisito. Kangi Paulo kangulinganiha mahwacho gha Nhalo ghwa Maha ghwa Yesu Kilisito na ghala gha ninganilo makachu. Asomi atangalo angukambuka kukita nstari ngimiko ghwa kitabho ndo ghula ghwa 1:16 ghuulongela, “Nenga mona honi ng'obhe kulandamiha Nhalo ghwa Maha ghwa Kilisito, kiyaha ndo makakala gha Chapanga ghanakualopoha bhandu bhoha bhaaghuhyubhalila, kutandila huti kwa Akaayahudi na kwa bhaabheghite ng'obhe Akaayahudi bhubho.” Kipalamande kya ulongolo kya Akaaloma (1-12) ndo umanyi kwa kya Chapanga na kipalamande kya ubhili (13-15) kibhegha na malubhulilo matangalo gha milando mitangalo gha kutenda bhula Akaakilisito yinguakwiliha kutama.

Ghaabheghite

Paulo kanguyanda lihamba lyake kwa kulimanyia mwene na kulubhulila mundu ywakantyekelite (1: 1-15).

Kangi kangutyeka bhula pabhabhegha anabhandu na bhula paahotola kumokola ulopoho ghuubheghite mu Yesu Kilisito (1: 16-11: 36).

Mbole Paulo kangulubhulila mihalo mitangalo ya kya bhula Akaakilisito yinguakwiliha kutama (12: 1-15: 13).

Na k uuhiko kanguyomolela kwa kubhajambuha bhandu atangalo mu ngwemuko ya akwo Loma (16).