Filimoni

Lihamba lya Paulo kwa

Filimoni

Ulongolelo

Lihamba ali lihupitaho kwa Filimoni likityekwa na nndumila Paulo 1:1. Paulo kakibhegha mu kibhopo pakatyekite lihamba ali, na ayi yingubhoneha kukita pakatyekite lihamba ali ywombe kakibhegha ku kitami kikulu kya Loma. Na handa kakibhegha ku Loma pakatyekite lihamba ali, hino yingubhoneha kukita kakityeka handa ngungwa ya mbinda mabhoko sita na yimo mbole ya kubhelekwa Kilisito, na ndo munndaluko aghwo aghwo kakityeka lihamba kwa Akaakolosai.

Kakityeka lihamba ali kwa mundu ywakamanyika Filimoni. Filimoni kakibhegha yumoo mu ngwemuko ya bhandu bhaanhyubhalila Kilisito na kangi kakibhegha na abhandwa. Paulo kakintyekela Filimoni ngati kannyupe kukita kakotoke kunkeha nbhandwa ghwake Onesimo ywakatughite kwa Filemoni. Kubhukana na malaghilo gha Akaaloma Filimoni kakibhegha na shaliya ya kunkoma Onesimo. Paulo kangutumila malagho gha kunyegheleha Filimoni ngati kantekule Onesimo handa nnongo ywaanhyubhalilite Kilisito na kangi kanguyupa kukita Onesimo kateghekwe kutenda lihengo papamu na Paulo 1:13-14

Ghaabheghite

Paulo kangunnjambuha Filimoni 1:1-3

Paulo kanguyupa kwa lihombo lya Onesimo kukita Filimoni kankingame Onesimo handa nnongo mu kunhyubhalila Kilisito 1:4-21.

Paulo kanguyomolela kwa kubhoneha mapalo ghake gha kuntyangila kangi na kuataghila lilobhe lya kuajambuha alongo 1:22-25