2 Akakolintu

Baluwa jhubhele jha Pauli kwa

Akakolintu

Ulongolelo

Baluwa jha ubhele jha Pauli kwa Akakolintu ikajhandikwe mu yaka makome nhwano na nhwano ade mu yaka makome nhwano na chita kuhumii mu kubhelukwa Yecho Kilichitu, mu chula jha 1:1. Baluwa jhenje ndi jha ubhele pakate jha baluwa ibhele ya Pauli abhajhandikile likunde lya bhando lilinyeketii Kilichitu ku Kolintu. Bhando bhubhachomite bhamanye kubhehe Pauli kwenio kunyuma akalongolile kujhandika baluwa jhenge jha lilaka kupeta jhenje jha ubhele. Na baluwa jhene ailongii, mu chula jha 2:3-4. Nambo twenga tukwetijhe baluwa jhene. Baluwa jha ubhele jha Pauli kwa Akakolintu ilongelwa ikajhandikwe pakibha atamita ku Makedoniya, mu chula jha 2:13.

Mu baluwa jhake jha ubhele kwa bhando bhubhanyeketii Kilichitu bhubhabhii ku Kolintu Pauli ilonge luhangano pala Titu pannobholela malobhe gha likunde lya bhando bhibhannyeketii Kilichitu bhubhabhii kwenio. Mu baluwa jhake jhenje tumona Pauli abhabhola Akakolintu bhabhaghulile mbijha kwa bhando bhubhannyeketile Kilichitu bhubhabhii kwenio ku Yeluchalemo mu chula jha 8:9. Ibhonekana kubhehe ntenga bha uwange kubhoka panja jha likonde bhakatei bhulo pakate jha bhando bhubhakibha nkate ya lilongo kunkana Pauli bhakitondobhehe bhene. Bhabhola bhabhe bhakibha na mbwelelo na ukindendeke gwa Pauli, na jwenio Pauli akabhalobhalile ukindendeke gwabhii nako kubhehe jwenio ndi ntenga jwa Yecho Kilichitu pala piijhomokela baluwa jhake jha ubhele kwa Akakolintu.

Ghughabhii mukitabo

Pauli itumbuu baluwa jhake kwa kwajhambucha bhando bhibhannyeketii Kilichitu bha kwenio ku Kolintu, mu chula jha 1:1-7.

Pauli ilongela mwanja gwake chiughalambwike, chajhohine kuhumii kwabhe na chabhajhangwii mu baluwa jhake jhiilongolile, mu chula 1:8-7:16.

Pauli ipiya malaghilo gha kuchangii mbijha kwa nhwalo gwa bhando bhibhannyeketii Kilichitu bha kwenio ku Yeluchalemo, mu chula jha 8:1-9:15.

Pauli ijhomolela kwa kukengelela utenga gwake na abhalobholela malobhe gha kwatyangila kabhele Akakolintu, mu chula jha 10:1-13:10.