Biblica® IBhayibhili Elingcwele LesiNdebele Elifinyelelekayo
AmaHubo 3
Ihubo likaDavida ebalekela indodana yakhe u-Abhisalomu.
Oh Thixo banengi kangaka abayizitha zami!
Banengi kangaka abangihlaselayo!
Abanengi bathi ngami,
“UNkulunkulu kayikumhlenga.”
Kodwa wena uyisihlangu sokungivikela, Oh, Thixo,
inkazimulo yami, uphakamisa ikhanda lami.
Ngikhala kakhulu kuThixo
uyangiphendula esentabeni yakhe engcwele.
Ngilala phansi ngijumeke;
ngibuye ngiphaphame, ngoba uThixo uyangilondoloza.
Angiyikubesaba abangamatshumitshumi ezinkulungwane
abangihlaselayo inxa zonke.
Phakama, awu Thixo
Ngisindise, Oh Nkulunkulu wami.
Zibethe zonke izitha zami emhlathini;
akhumule amazinyo ababi.
KuThixo kuvela insindiso.
Sengathi isibusiso Sakho singaba sebantwini Bakho.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.