2 Kolɛŋ

Ŋwa wù kiŋgane kinfɛɛ wù Bol gɛ̀ saŋ fɛ kintaashɛ ki

Kolɛŋ le

Fiɛɛ fì le a Ŋwa wu Kolɛŋ wù kiŋgane kinfɛɛ wunɛ le

Bol gɛ̀ saŋ ŋwa wù kiŋgane kifɛɛ wunɛ fɛ kintaashɛ ki bamii ba mbɛmɛ ki Kolɛŋ le, nyu kife kì baŋgɛ gɛ̀ jade bo too antɛnɛɛ a wu bɛ kintaashɛ kiyu. Bamii ba a kintaashɛ kinɛ le bamu gɛ̀ ja bo kɛme kintɛɛnyɛ kimu kì tɛɛme kune Bol. Geenɛ, Bol saŋ ki wu dûnyɛ lɛ wu koŋe baaŋ lɛ bɛ bo tû jwe wu mumwaa.

Ŋwa wunɛ gɛɛne fwe wu jɛme no Bol gɛ̀ lɛge kintaashɛ kiyu lɛ bo gwênyɛ chiaaŋ yiboo ki bo fîh bamii ba Kletu ba Judia ba gɛ̀ bee yi ŋgɛ le. A kimbe ki ŋwa wunɛ le ajiŋ, Bol jɛme kune mwɛɛ mù duunyi lɛ wu le mwa ntuŋ wu Jiso Kletu wù nchiɛɛŋ. Wu gɛ̀ jɛme nje bamii bamu ba Kolɛŋ shige gɛ̀ ja bo bɛɛŋsɛ bikwɛɛ biboo lɛ le bo booŋ ba ntuŋ ba Jiso ba nchiɛɛŋ, bo mo duu lɛ gɛ Bol nyû lo mwa ntuŋ wu Kletu wù nchiɛɛŋ gɛ.

Bikwɛɛ bi mwɛɛ bi a ŋwa wunɛ le

1:1-11 Fɛŋkɛɛ

1:12–7:16 Bol bɛ kintaashɛ ki bamii ba mbɛmɛ ki kolɛŋ

8:1–9:15 Nnya ki ba fih bamii ba Kletu ba Judia yu

10:1–13:10 Bol jɛmɛ kune mwɛɛ mù duunyi lɛ wu le mwa ntuŋ wu Jiso Kletu wù nchiɛɛŋ

13:11-14 Kimɛsɛ