1 Timoti

Ŋwa wù fwe wù Bol gɛ̀ saŋ fɛ

Timoti

le

Fiɛɛ fì le a Ŋwa wu Timoti wù fwe wunɛ le

Ŋwa wunɛ le wù fwe wù Bol gɛ̀ saŋ fɛ chumu wumu wù jee che gɛ̀ bee Timoti le. Timoti gɛ̀ bee muh wu Kletu, wù gɛ̀ bee muh wu woŋ wu Ɛsia wù shige.

Mwɛɛ mù Bol saŋ kune mu a ŋwa we wù fwe wunɛ le, le muntɛde. Fì fwe, wu jɛme yo wu teefe lɛ bo yɛ̂ne kune n'yɛyɛ wù kooji gɛ antɛnɛɛ a bamii ba mbɛmɛ. Wunɛ n'yɛyɛ gɛ̀ bee lɛ, woŋ wù besabɛŋ yɛde kfunɛ le woŋ wu kimbefɛ, muh taŋlo wu gê wu kɛ̂mɛ Mbvusɛ, gɛh sege muh kee mwɛɛ mumu mù le nyilɛ le bɛ sege muh chee kinche kimi gɛh njɛ ki wu fâŋe ki wu jîi kfuu chi mwɛɛ mumu bɛ ki wu nyû njɛ wu kɛme kwɛse kɛnɛ jwɛŋsɛ sɛŋ.

Ŋwa wuyu jɛme tɛ kune no taŋlo Timoti gêe lɛme che a kintaashɛ ki bamii ba mbɛmɛ ntɛnɛɛ, bɛ no bamii bûune Nyo. Wu ka sɛŋe kfuu chi kiŋge kì bikwɛɛ bi bintaashɛ bi bamii ba mbɛmɛ mo bamii ba feeji bo gee chilɛme a bintaashɛ ntɛnɛɛ kɛme ki bo kɛ̂me. Kimɛsɛ, le wu teefe Timoti no wu taŋlo wu lɛ̂ne njɛ mwa lɛme wu Jiso Kletu wù joŋe.

Bikwɛɛ bi mwɛɛ mù le a Ŋwa wunɛ le

1:1-2 Fɛŋkɛɛ

1:3–3:16 Ntefɛ kune no bo gêe mwɛɛ a kintaashɛ le bɛ kune bachiji bikwɛɛ bi kintaashɛ

4:1–6:21 Ntefɛ kune no Timoti gêe lɛme che