ማቶሳ 23

ህገ አስታማርታይኔ ፈርሳውታይ ኢታት

(ማር. 12:38-39፤ ሉቃ. 11:43-46፤ 20:45-46)

1የይፕ ጉየ፥ የሱሳ ዎያስኔ ፋ ታማርታይስ Ꮊይ ጋርክ ዬጌዛ። 2«ህገ አስታማርታይኔ ፈርሳወ አሳይ ሙሰ ህገ ታማርሶዳይስ ሙሰ ኦይደላ በቴዛ። 3የይ ግሾስ፥ ኡ ይንታን አዛዝዛ ባዝ ኡብታ ኦይታኔ ናጎይታ። ዝን ኡ ኦዛይ ጋርከ ኦፓተ። አብስ ጊኮ፥ ኡ ኦድዛይ ጋርክ ኦያ። 4ኡንቲ ቶክን ደንዶዋ ዴጾ ቶፎ አጪ አስ ቶስዛ። ዝን ፓስ ሀራ አቶዝን፥ የ ቶፋ አሳይ ቶኮዳር ፋ ኩሸ ግልአ ጼራር ቦቾዳይስ ኮዮያ።

5«ዝን ኡ ፋ ኦሶ ኡባ አሲ በአዳይ ጋርክ ኦዛ። ፋ ስኖላኔ ቀሴል አጭዝ ማጻፈ ጽቅሰ የዝ ኪታፐ ዳልግስዛ፥ ፋ አፍላ ማንቻ አዱስዛ።12 6ሞክንትዛ አቆ ቦንቾ አቆኔ አይሁድታይ ዎሳ ኬ ጋመ ሎእዛ ኦይደ ዶስዛ። 7አሳይ ጋበ ጋንጨ ኡንታን ቦንቾር ሳሮዳናኔ ‹አስታማራዮ› ግ ጼጎድ ጋርክ ኮይዛ።

8«ዝን ይ አስታማራይ ፐታይ ኣዳ ማቄዝ ግሾኔ ይ ኡቢታይ ኤ እሽታ ማቄዝ ግሾስ ‹አስታማራዮ› ግንትንቲ ጼግንትፓተ። 9ይንትስ ሳሎ ፐቲ አዳይ ኣዳ የዝ ግሾስ Ꮊ ሳአ ኦናካ ‹አዳዮ› ግ ጼግፓተ። 10ይንትስ ፐቲ ጎዳይ ክርስቶሳ ኣዳ የዛ ግሾስ ‹ጎዳ› ግንትንቲ ጼግንትፓተ። 11ይንታፕ ኣዛይ ይንትስ አይለ ማቆ።3 12ፋና ቅ ኡድዝ ኦንካ ካዉዦዳ፤ ፋና ካዉዥስዛ ኦንካ ቂ ጎዳ።4

ህገ አስታማርታይኔ ፈርሳወ አስታይ ቦርንቴዛ

(ማር. 12:40፤ ሉቃ. 11:39-42፥ 44፥ 52፤ 20:47)

13«ይንታኖ፥ ጩቢታዮ፥ ህገ አስታማርታይኔ ፈርሳዉታዮ፥ አስ ቲና ሳሎ ካተት ጎርድዝታዮ ይንታን አየ። ይንቲ፥ ይ ኡባስ ገላሚ ማ Ꮊንክታካ ገልሳሚ።

14[«ይንታኖ ጩቢታዮ፥ ህገ አስታማርታይኔ፥ ፈርሳዉታዮ፥ አምእታይ ኬ ይ ቦንቂታር፥ አሲ ቦኦ ግ ዎሳ አዱስዛ። የይ ግሾስ፥ ይንታን አየ። ኡባፕ ኣዝ ፕርዳይ ይንታን ናግዛ።]5

15«ይንታኖ፥ ጩቢታዮ፥ ህገ አስታማርታይኔ ፈርሳዉታዮ፥ ይንቲ ፐቲ አ አማንዳይስ አባራኔ ሳአር ዩይዛ። ዝን ይ ኤዛ አማንዝ ዎደ የ አ ይንትፕ ኣ ጋናመስ ጊግስዛ ኦሶ ኦዛ ግሾስ ይንታን አየ።

16«ኦንካ ጾስ ኬ ጫቂኮ አኮካ ባያ። ዝን ጾስ ኬ የዝ ዎርቃ ጫቂኮ፥ የ ጫቃይ ኤዝስ ጎሞዳ ግዝ ቶእታዮ፥ ይ ይ ኡባስ ቶኢ ሀራ አስ ካልዝታዮ፥ ይንታን አየ። 17ይንታኖ፥ ቦዝታዮ፥ ቶእታዮ፥ ዎርቃይ ኣነኔ? ዎርቃ ጾሳይስ ዱማስዛ ጾስ ኬይ ኣ? 18ማ ‹ኦንካ ያርሾ ያርሽዛ አቆ ጫቂኮ፥ አኮካ ባያ። ዝን ኦንካ ኤዛል አፋ የዛ ያርሻ ጫቂኮ፥ የ ጫቃይ ኤስ ጎሞዳ› ዬጊ ታማርስዛ። 19ይንታኖ፥ ቱልታዮ ቶእታዮ፥ ያርሾ ኣነኔ? ያርሾ ጾሳይስ ዱማስዛ አቃይ ኣ? 20የይ ግሾስ፥ ያርሾ አቃይር ጫቂዛ አይ፥ የ ያርሾ በሳይዳነ ኤዛል አፋ የዛ ኡባባዛል ጫቂዛ። 21ጾስ ኬ ጫቂዛ አይ፥ የ ጾስ ኬ ግዶኔ ኤዛይድ የዛ ጾሳ ጫቂዛ። 22ሳሎ ጫቂዛ አይ ጾስ ዙፋናኔ የ ዙፋናይል አፋ በትዝ ጾሳ ጫቂዛ።6

23«ይንታኖ፥ ጩቢታዮ፥ ህገ አስታማርታዮኔ ፈርሳዉታዮ፥ ይንታን አየ። ይ ካር ጋላፕ፥ ሻሽንቸፐኔ ቦ ጋላፕ አስራታ ከስዛ። ዝን ህጋይድ የዝ ኣ ኮሽዝታ አሽዛ፦ የይካ ሉለ ፕርደ፥ ቃነ ኡባባዛል አማንንቶ። ሀራባዝታካ አሸካዛር Ꮊይትታ ይ ኦዳይስ ቤዝዛ።7 24ይንትስ ቶኢ ሀራ አስ ካልዝታዮ፥ ይ ኡሻፕ ዉኑኖ ከሲ ግማለ ምትዛ።

25«ይንታኖ፥ ጩቢታዮ፥ ህገ አስታማርታዮኔ ፈርሳወ አሳዮ፥ ይንታን አየ። ይ ሻተስኔ ከረስ አፋ ባጋ ጌሽዛ። ዝን ጋንችጬ ባጋይ ቦንቃኔ ኡዛት ኩሜዛ። 26ነኖ ቶአ ፈርሳዋዮ፥ ሻተስኔ ከረስ ጋንጫ ቲና ጌሾባ። የይፕ ጉየ፥ አፋ ባጋይካ ጌሺ ማቃዳ።

27«ይንታኖ፥ ጩቢታዮ፥ ህገ አስታማርታዮኔ ፈርሳዉታዮ፥ ይንታን አየ። ይ አፋ ባጋር ቦርሾንቶር ትዥንት ሎእ፥ ጋንጨ መቀኔ ዎቄዝባዝ ኩሜዝ ዱፎ ኣዝዛ።8 28የይ ጋርከካ፥ አፋ ባጋር አስስ ሎኦ ኣዝዛ። ዝን ይ ጋንጨ ጩቦትኔ ኢታት ኩሜዛ።

29«ይንታኖ፥ ጩቢታዮ፥ ህገ አስታማርታዮኔ ፈርሳውታዮ፥ ይንታን አየ። ይ ናብታይስ ዱፎ ግንቢዛ፥ ማ ጽልታይ ዱፋካ ሎእዛ። 30ማ ይንቲ፥ ‹ኑኒ ብኒ ኑ አድታይ ዎደ የዛ ባዝ ማቄዛኮ፥ ኡንታር ዎላ ናብታይ ሱ ላላምዝን› ዬግዛ። 31የይ ግሾስ፥ ይ ናብታ ዎዝ አስ ናእታ ማቄዛና ይንቲ ይ ኡባስ ማርካትዛ። 32ዬዛኮ፥ ይ አድታይ አይኬዛና ይ ፖሎይታ።

33«Ꮊ ሾሹን፥ ጎፐ ናኡን፥ ይ ጋናመ ፕርዳፕ ዋይዚ አቶዴ?9 34የይ ግሾስ፥ ታ ኦድዛና ስኦይታ፤ ታኒ ናብታ፥ ኤጫ አስታኔ አስታማርታ ይንትኮ ኪቶዳ። ኡንታፕ ፐታ ፐታ ይ ዎዳ ማዝቃለል አፋ ሶቶዳ። ባግታ አይሁድታይ ዎሳ ኬ ገልሲ አላንጎዳ ካታማፕ ካታማ ባይኦዳ። 35የይ ግሾስ፥ ጽላ አቤላ ዎዝ ዎደፕ አይኪ፥ ጾስ ኬስኔ ያርሾ አቆፕ ግዶ ይ ዎዝ ባራክዩ ናአ ዛክሬሳ ሱ ሄሎዳር Ꮊይቄዝ ጌሽ አስ ኡባይ ግሾስ ይ ሴርንቶዳ።10 36ታኒ ይንትስ ቱሮ ኦድዛ፤ ይንትኔ ይ አድታይ ኦዝ ቡታይስ Ꮊ ፕርዳ ኡባይ Ꮊ የለትይል አፋ ሄሎዳ።

የሱሳ የሩሳላመስ ዬኬዛ

(ሉቃ. 13:34-35)

37«የሩሳላመ፥ የሩሳላመ፥ ናብታ ዎዛኔ! ጾሳይ ኔኮ ኪቴዝታ ሹቻር ሾጭዛኔ! ሹጉላ ፋ ናእታ ፋ ቀፈር ሀጵዛይ ጋርክ ታኒ ነ ናእታ ታ ሺሾዳይስ ኣፑን ቶኬ ኮየኔ! ዝን ታና ነ ካዬዛ። 38ይኬ፥ ይ ኬይ ካይሳ ማቃዳ።11 39ታኒ ይንትስ ኦድዛ፤ ‹ጎዳይ ሱንር ይእዛይ አንጅንቴዛያ› ይ ጎድ ጋ Ꮊይፕ ጉየ ታና ይ በአሚ» ዬጌዛ።12