ሉቃሳ 10

የሱሳ ላፑን ታማኔ ናምኢ ታማርታ ኪቴዛ

1የይፕ ጉየ፥ ጎዳይ ሀራ ላፑን ታማኔ ናምኢ1 አስታ ዶሬዛ። ኤ Ꮊማዳይስ ቆፔዝ ካታማኔ ሄራ ኡባ ቲናቲ Ꮊማድ ጋርክ ናምኤ ናምኤ ኡዲ ኪቴዛ። 2የሱሳ ኡንትኮ፥ «ይኬ ሺቆድ ቶርቼ ካይ ጋመ ዝን ቶርቼ ኦሶ አሳይ ጽቃ። ዬዬዝ ግሾስ፥ ቶርቼ ካ ጎዳይ ኦሶ አስታ ኪቶዳ ጋርክ ዎሶይታ።2 3ይኬ፥ Ꮊንጎይታ፥ ዱርታይ ጋርክ ፉግታይ ጋንጨ ይንታን ታ ዳኮዳ።3 4ይ Ꮊንግታር ኦገስ Ꮊይትታ አይክፓተ፥ ሚሸ ማቅን ካ ማቅን ጫማ አይክፓተ። ኦገል አፋ ኦናካ ሳሮታር ዎዴ ኣፓተ።4 5ይ ገልዛ ኬ ኡባ ቲናቲ፥ ‹ሳሮ Ꮊ ኬይስ ማቆ› ዬጎይታ። 6ሳሮ ቃዛ አስ የ አቃይድ የዝኮ፥ ይ ሳራይ ኤዛይድ አቆዳ፤ እጽኮ ይ ሳራይ ይንትስ ማቆዳ። 7ኦሶ አስስ ዳሞዘ ቤዝዛ ግሾስ ይ ገሌዝ ኬ ይንትስ ሺሼዝ ባዝ ኡባ ሚታራኔ ኡዥታር ኤዛይድ ጋምኦይታ። ፐታይ ካራፕ ፐታይ ካራ ዩይፓተ።5 8አባ ካታማካ ይ ገሎዳር አሳይ ይንታን ሞኪ፥ ይንትስ ሺሼዝ ባዝ ኡባ ሞይታ። 9የ ካታማ ጋንጨ የዝ ሀርግንቴዝታ ፓታር፥ ‹ጾሳ ካተትይ ይንትኮ ኡኬዛ› ዬጊ ኦዶይታ። 10ዝን ፐቲ ካታማ ገሎዳር አሳይ ይንታን ሞካም እጽኮ ዞዘል ከዚ Ꮊይ ጋርከ ጎይታ:6 11‹ኑ ቶካይል አፋ የዝ ይ ካታማይ ቡልአ ኑ ፕቶዳ፥ ዝን ጾስ ካተትይ ይንትኮ ኡኬዛና ኤሮይታ›7 12ፕርዳ ጋላስ Ꮊ ካታማትፕ ሶዶመ ካታማስ ፕርዳይ ካዉሻ ማቃዳና ታ ይንትስ ኦድዛ» ዬጌዛ።8

አማኖዋ ግሾስ ቦርንቴዝ ካታምቶ

(ማቶ. 11:20-24)

13ማ ማቅካ፥ የሱሳ፥ «ነኖ ኮራዝኔ፥ ነኖ ቤተሳይዳ፥ አየ፥ ይንታል ኦስንቴዝ ማላትታይ ጽሮሳኔ ስዶና ኦስንቴዛኮ ኤዛይድ የዝ አሳይ ካዮ አፍላ ማኢ፥ ቡዶል አፋ በቲ ብኒ ማሮተ ገሊ አቶዳዝን።9 14የይ ግሾስ፥ ይንትፕ ኣ ጽሮሳስኔ ስዶናስ ጾስ ፕርዳይ ካዉዦዳ። 15Ꮊኔ ቅፍርናሆመ፥ ሳሎ ሄሎዳይስ ነ ቅ ጌኔ? ነ ሱል ስኦለ ዎዳ» ዬጌዛ።10

16ማካ የሱሳ ፋ ታማርታይኮ፥ «ይንታን ስእዛይ ታና ስእዛ፥ ይንታን ኤኮዛይ ታና ኤኮያ፥ ታና ኤኮዛይ ታና አዛዜዛና ኤኮያ» ዬጌዛ።11

ላፑን ታማኔ ናምእታይ ማቄዛ

17ላፑን ታማኔ ናምኢ ታማርታይ ኪትንቴዝ አቃይፕ ሎእ ኡፋይትታር ማቄዛ። የሱሳኮ ሺቂ፥ «ጎዳዮ፥ ነ ሱንር ቱና አያንታይካ ኑስ አዛዝንቴዛ» ዬጌዛ።

18የሱሳ ኡንትኮ፥ «ጻላሄ ሳሎፕ ዳዳ ጋርክ ዎዳር ታ በኤዛ። 19ዬዛኮ፥ ሾሽኔ Ꮊንጋርጮ የድ ጋርከኔ ሞርከ ዎልቃር ኤቅንቶድ ጋርክ ይንትስ ታ ማዉተ እንጌዛ። ይንታን ቆሆድ ባዝ አኮካ ባያ።12 20ማቆዝን፥ ይ ሱንይ ሳሎ ማዝጋባይድ ጻፍንቴዝ ግሾስ ኡፋይቶይታፕ አትን ቱና አያንታይ ይንትስ ኪትንቴዝ ግሾስ ኡፋይትፓተ» ዬጌዛ።

የሱሳ ፋ ኡፋይሳ ቤዜዛ

(ማቶ. 11:25-27፤ 13:16-17)

21የ ዎደ የሱሳ ጌሻ አያናር ኡፋይቲ፥ «ሳሎ ሳአ ጎዳዮ፥ Ꮊያ ኤጭታይፐኔ ኤራንችታይፐ ቆሲ ዱደ ናእታይስ ቤዜዝ ግሾስ ታ ነና ጋላትዛ። ኤ ታ አዳዮ፥ የያ ነ ኦዳይስ ሎኦ ሸነ ማቄዛ።

22«ኡባ ባዝ ታ አዳይፕ ታስ እንግንቴዛ። ናአይ ኦናዛኮ አዳይፕ አትን ሀራ ዎይ ናአይ ቆንጭሶዳይስ ኮይዛይፕ ሀራ ኦንካ ኣዳ ኤርዛይ ባያ» ዬጌዛ።13

23ማ ማቅካ፥ የሱሳ ዱማ ፋ ታማርታይኮ፥ «ይ በኤዛና ብእዝታይ አንጅንቴዝታ። 24ቱማ ጋመ ናብታይኔ ካትታይ ይ ብእዛኔ ስእዛና በአዳይስኔ ስኦዳይስ አሞቴዛ፥ ዝን ኡ በኤካያ፥ ስኤካያ» ዬጌዛ።

ኬሃ ሳማረ አ

25ዬዛኮ፥ ፐቲ ጋላስ ሙሰ ህገ ኤርዛ ፐቲ አይ ደንዲ የሱሳ ዬጊ ፓጨ ኦይች ኦይጬዛ። «አስታማራዮ፥ መናስ ደኦ ላቶዳይስ ታኒ አብ ኡዶ?» ዬጌዛ።14

26የሱሳ፥ «ሙሰ ማጻፋይድ ጻፍንቴዛይ ዋጌ? ነ ዋይዚ ናባብ አካኬ?» ዬጌዛ።

27አይ ማሂ፥ « ‹ነ ጎዳ ነ ጾሳ፥ ነ ኩን ዎዝናፐ፥ ነ ኩን ሸምፖፕ፥ ነ ኩን ዎልቃፐኔ ነ ኩን ቆፋፕ ቃባ። ማካ ነ ላጋ ነ ኡባይ ጋርክ ቃባ› ዬግዛ» ዬጌዛ።15

28የሱሳ ኤዝኮ፥ «ኔኒ ይኖ ልኬ ማሄዛ፥ ኔካ Ꮊይ ጋርክ ኦባ። ነ መናስ ደኦ የዞዳ» ዬጌዛ።16

29ዝን አይ ፋና ጌሽ ኦዳይስ ኮዢ፥ «ሀኖስ ኤ ታ ላጋይ ኦኖ?» ዬጌዛ።

30ኤ ኦይቻይስ የሱሳ ዬጊ ማልሰ እንጌዛ፥ «ፐቲ አሲ የዛይ የሩሳላመ ካታማፐ ሱለ ኢያርኮ ካታማ Ꮊማዳር ኦገል አፋ ፓንታይ ከዚ ሾጬዛ። ኤ አፍላ ቃሪ ኤኪ Ꮊይቆፐኔ ፓፕ ጋንጨ ኦሊ ቅቴዛ። 31ጉየፕ፥ አይሁደ ቄሰ ፐታይ የ ኦጋይር ፋ Ꮊሞ Ꮊንግታር አ ብኢ ደሽ ግ ኣዛ። 32ማካ ፐቲ ለዋይ የ አቃ ሄልታር አ ብኢ ሀራ ኦገር ኣ ቅቴዛ። 33ዝን፥ ፐቲ ሳማረ ቢታ አስ የዛይ የ ኦጋይር ይእታር አ ብኢ ኤስ ቃንቴዛ17 34ኤዝኮ ሺቂ፥ ኤ ማዶይል አፋ ዛይተኔ ዎይነ ቆል አጬዛ። ፋ ሀረል አፋ በት እማ አቅዝ ኬ ካንጌዛ። የ አቃይድ ኤዝስ ኮሽዛ ባዝ ኡባ ኦዛ። 35ዎንት ናምኢ ዲናረ ማሂ እማ ካራ አዳይስ እንጊ፥ ‹ሀያና Ꮊ አ ሎእ ቦኦባ። ታኒ ኔስ እንጌዛይፕ አፋር ነ ከስዛ ባዝ ኡብታ ታ ኔስ ጭጎዳ› ዬጌዛ።

36«ይኬ፥ Ꮊ ሀይ አስታይፕ ፓንታይ ሾጬዝ አይስ ላጌ ማቄዛይ ኔስ ኦና ኣዜ?»

37አይ ማሂ፥ «ኤዝስ ቃንቴዛያ» ዬጌዛ።

የሱሳ፥ «ኔካ Ꮊንጊ Ꮊይ ጋርክ ኦባ» ዬጌዛ።

የሱሳ ማርታኔ ማይራሚ ካራ

38የሱሳ ፋ ታማርታይር ኦገ Ꮊንግታር ፐቲ ሄራ ሄሌዛ። ኤዛይድ ማርታ ግንትንትዝ ፐቲ አስታ ኤዛ ፋ ካራ ሞኬዛ።18 39እዝስካ ማይራሞ ግዝ ምሽታ የዛ፥ ማይራማ ቃላ ስእታር ጎዳይ ቶኬ ካለ በቴዛ። 40ዝን ማርታ ጋመ ኦሶር ኡንእንቲ የሱሳኮ ሺቂ፥ «ጎዳዮ፥ ታ ምሽታ ኦሶ ታ ኣዳስ አሺ በቲ አትን ታ ዳቡሮዳር ነ ብእታር ስኢ ግኔ? እዛ ታና ማዶድ ጋርክ ኦዶሳ» ዬጌዛ።

41ዝን ጎዳይ Ꮊይ ጋርክ ግ ማሄዛ፥ «ማርታ፥ ማርታ፥ ነ ጋመባዛር ቱርቱሪ መትንትዛ። 42ማቆዝን፥ ኮይንትዛይ ፐትባዝ ኣዳ። ማይራማ ሎኦ ባዝ ዶሬዛ፥ የይካ እዝፐ ኤክንታሚ» ዬጌዛ።