ያይቆባ 3

እራን ናጎ

1ታ እሹን፥ ይንታፕ ጋምታይ አስታማረ ማቅፐ። ኑ፥ አስታማርታይ Ꮊንክታይፕ ኣዝ ፕርዳ ኤኮዳና ይ ኤርዛ። 2ኑ ኡቢታይ ጋመባዛር ባልንትዛ። ፋ ኦዳይር ባልንቶዋ ኦንካ ፋናት ናጎዳይስ ዳንዳእዛ ፎሎ አስ። 3ፓርታይ ኑስ ኪትንቶድ ጋርክ ብጻላ ባርሲ ኑ ኮይዝ አቆ ኡባ ካንግዛ። 4ማርካበ አብ ጋርክ ግታ ማቅኮካ ዎልቃማ ጫርኮር ኡርቅንትኮካ፥ ላግዛይ ፋ ኮይዝ አቆል ማሂ ላግዛ ጽቃ ምር ላግንቲ Ꮊንግዛ። 5የይ ጋርክ እራን አሰት ክፕለፕ ጽቃት ማቅኮካ ጋመ ዳማባዛል ጬቅንትዛ።

ጽቃ ታማ ዳማ ዎራ ጹግዛ። 6እራን ታማ ጋርከ። እራን ኑ አሰት ጋንጨ የዝ ኢታ አላመ፤ አሰት ኡባ ቱንስዛ። ጋናመፕ ከዝዝ ታማ ጋርክ ኑ ደኦ ላሶ ኡባ ጹግዛ። ፋ ኦማስካ ጹግንቶዳ 7ቢታ ዶእታኔ ካፍታ፥ ኡሎር ጎሽንትዝታኔ አባ የዝ መትታካ ኡባ አሲ ሞድዛ፤ ኡንትካ ሞድንቴዛ። 8ዝን ኦንካ እራን ሞዶዳይስ ዳንዳኤካያ። እራን ዎዛ ማርዘ ኩሜዝ ሞድንቶዋ ኢታ መት። 9ኑ እራንር ኑ ጎዳነ ኑ ኣዳ ጾሳ ጋላትዛ። ማ ኤዛር ጾስ ኣዚ መንቴዝ አስ ባድዛ። 10ፐቲ ዶናፐ ጋላታኔ ባድ ከዝዛ። ታ እሹን፥ Ꮊይ ጋርክ ሀኖዳይስ ቤዞያ።1 11ፐቲ ኦላፕ ማልእዛ ሃኔ ጫንግዛ ሃ ፑልቶዳይስ ዳንዳእኔ? 12ታ እሹን፥ ባላሰ ም ዎይራ ኣፎዳይስ ዳንዳእኔ? ዎይ ዎይነ ም ባላሰ ም ኣፈ ኣፎዳይስ ዳንዳእኔ? ጫሞ ሃፕ ማልእዛ ሃ በንቶዳይስ ዳንዳእኔ።

ሳሎ ኤጨትኔ ሳአ ኤጨት

13ይ ጋንጨ ኤጫኔ አካክዛይ ኦኖ? ፋ ሎኦ የሳር፥ ሃዮትር ኤጨትር ፋ ኦዝ ኦሳ ቤዞ። 14ዝን ይ ዎዝናይድ ጫንግዛ ቅናተኔ ፋና ቃዝ ኤጨት የዝኮ ጋይርንትፓተ፤ ቱማል አፋ ዎርዶትፓተ። 15የይ ጋርክ ኤጨትይ ሳሎፕ የኤዝ ባዝ ባዝን የይ አሾፐ፥ አላመፐኔ፥ ጻላሄፐ። 16ቅናተኔ ፋና ዶሶ የዝ አቆ ካችኔ ኢታ ኦሶ ኡቢታይ የዛ። 17የያ ማቆዝን ኣፋፕ ይእዝ ኤጨትይ ኡባይፕ ቲና ጌሺ። ማ የይፐ ሳሮት፥ ሎኦት፥ ስኢ ኤክዛ፥ ቃንትዛ፥ ሎኦ ኣፈ ኩሜዛኔ፥ አስ ሻጎዝታኔ ጩቦተ ባዛያ። 18ሳሮት ዶስዝታይ ሳሮት ዘሪ ጽሎት ማጽዛ።