ኦሮꬅ ጫቆ
ሀዋርታይ ኦሶ 26
ጳዉሎሳ ኣግርጳ ቲና እንጌዝ ማህ
አግርጳ ጳዉሎሳኮ፥ «ኔኒ ነ ባጋ ኦዶዳይስ ዳንዳእዛ» ዬጌዛ። የ ዎደ ጳዉሎሳ ፋ ኩሸ ደን Ꮊይ ጋርክ ዬጌዛ፦
«ካት፥ አግርጳ፥ አይሁድታይ ታና ሞቴዝ ባዝ ኡባይስ ማህ እንጎዳይስ Ꮊይኖ ነ ቲና ኤቂታር ታ አንጃይ ሎኦ ግ ቆፕዛ። የይካ ኔኒ አይሁደ ዎጋኔ ፓላማ ኡባ ሎእ ኤርዛ የይ ግሾስ ታና ዳንዳአር ስኦዳይ ጋርክ ታ ነና ዎስዛ።
«ታኒ ናአትፕ አይኪ ታ አሳይ ጋንጨራኔ የሩሳላመ የዜዝ ታ የሳ አይሁደ ኡባይ ኤርዛ። ታኒ ቲናፕ አይኪ፥ ኑ አማኖ ዎጋ ሚን ናግዛ ፈርሳውታይ ባጋይፕ ማቄዛና ኡንቲ ማርካቶዳይስ ኮይኮ ኤርዛ።1 Ꮊተካ ታኒ ጾስ ኑ አድታይስ እንጎድ ጌዝ ኡፋይሳ ናግዛ ግሾስ ሞትንቲ Ꮊይዳ ኤቄዛ። ማ ታጶ ናምኢ ኑ አድታይ ሼሻይ ጾሳ ቃማኔ ጋላስ ሚን ጎይንታር ጾስ እንጎድ ጌዛ ኤኮዳይስ ኡፋይሳር ናግዛ። ካት አግርጳ፥ አይሁድታይ ታና ሞትዛይ ታኒ ኡፋይሳር የያ ናግዛ ግሾስ። ጾስ Ꮊይቄዝታ ደንዛያ ማቄዛይ ይ ካንታ አብስ አማንንቶሳ?
«ብኒ ታኒ ታ ኡባስካ ናዝረተ የሱሳ ሱን እጽዛ ዳንዳእንቴዝባዝ ኡባ ኦዳይስ ቤዝዛ ግ ቆፔዛ።2 ታኒ የሩሳላመ ኦዛይ Ꮊያ። ቄሰ ሀላቅታይፕ ማዉተ ኤኪ ጾሳ አስታይፕ ጋምታ አጭሴዛ። ኡንታን ዎዳር ኡ Ꮊይቆዳና ታ ዶሴዛ። ጋመ ዎደ አይሁደ ዎሳ ኬ ኡባይድ ኡንቲ ሴርንቶዳይ ጋርከኔ የሱሳና ጫዦዳይ ጋርክ ታ ዎጽቴዛ። ታኒ አቆፕ ኣ ኡንታን ካጬዛ ሀራ አቶዝን፥ ሀራ ቢታ ካታምታ ሄሎዳይስ Ꮊንጊ ታ ኡንታን ባይእዛ።
«ታኒ Ꮊ ኦዳይስ ቄሰ ሀላቅታፕ ማዉተኔ ኪታ ኤኪ ዳማስቆ Ꮊንግዛ። ካታዮ፥ ታኒ ሴታ ጋላስ ኦገል የዝን አዋ ፖኦፕ ሎእ ኣዝ ፖኦ ታ ዩሻይራኔ ታራ Ꮊንግዝታይ ዩሻይር ሳሎፕ ፖኦዳር በኤዛ። ኑኒ ኡባይካ ሳአ ፖኬዝን እብራይስጸ ዶናር፥ ‹ሳኦላ፥ ሳኦላ፥ ታና አብስ ባይኔ? ኔኒ ነና ጫድዛ ብራታ ቃክኮ ነና ቆህዛ› ዬጊ ታስ ኦዶዳር ስኤዛ።
«ታኒ፥ ‹ጎዳዮ፥ ኔኒ ኦኖ?› ዬጌዛ።
«ጎዳይ፥ ‹ታኒ፥ ኔኒ ባይእዝ የሱሳ፤ ዝን ደንዶባ። Ꮊይኖ ኔኒ በኤዛይፐኔ ቲናፕ ታ ነና ቤዞዳና ሀራስ ማርካቶዳይ ጋርክ ታስ ኦሳንቾ ኡዲ ነና ሹሞዳይስ ኔስ ታ በንቶዳ። እስሬለ አስታይፐኔ ታኒ ነና ኡንትኮ ኪትዛ አይሁደ ባዝታይፕ ነና አሾዳ። ኔኒ ኡ አፋ ዶዮዳይ፥ ማፕ ፖኦኮ፥ ጻላሄ ኩሸፕ ጾስኮ ኡንታን ማሆዳ። ኡንቲ ታና አማኒ ናጋራ አቶት ኤኮዳ። ጾስ ጌሼዝ አሳይ ጋንጨ ፋ ላታ ደንጎዳ› ዬጌዛ።
«ካት አግርጳ፥ የይ ግሾስ፥ ታስ ሳሎፕ በንቴዝ ቆንጭይስ ኪትንቴዛ። ዝን ታኒ ቲናቲ ዳማስቆ የዝታይ የይፕ ጉየ የሩሳላመኔ ይሁዳ ቢታ ኡቢታይድ የዝታይኔ አይሁደ ባዝታይካ ፋ ናጋራፕ ጾስኮ ማቆዳይ ጋርከኔ ናጋራይፕ ማቆዳይስ ቤዝዛ ኦሶ ኦድ ጋርክ ቃላ ኦዴዛ።3 የይ ግሾስ፥ አይሁድታይ ታና ጾስ ካራ አይኪ ዎዳይስ ኮዬዛ። Ꮊይኖ ሄሎዳይስ ጾስ ማዴ ታፕ ሻክንተካያ፤ የይ ግሾስ፥ ጽቅታይስኔ ዳምታይስ ማርካትታር Ꮊይዳ ኤቄዛ። ናብታይኔ ሙሰ ሀኖዳ ግ ኦዴዛይፕ ሀራ ፐትባዝካ ታኒ ኦዴዝባዝ ባያ። የይካ፥ ‹ክርስቶሳ ዋየ ኤኮዳይስ ቤዝዛ፤ ማ Ꮊይቆፕ ቲና ደንዲ አይሁድታይስኔ አይሁደ ባዝታይስ ፖኦ ቤዞዳይስ ኤስ ቤዝዛ› ጌዛ» ዬጌዛ።4
ጳዉሎሳ የያ ዬጊ ማሆዳር፥ ፍስጾሳ ፋ ቃላ ቅ ኡዲ፥ «ጳዉሎሳ፥ ነ ኤዬዛ፤ ነ ጋመ ትምርታይ ነና ኤይሶስ ሄልዛ» ዬጌዛ።
ዝን ጳዉሎሳ፥ «ቦንቾ ፍስጾሳ፥ ታኒ ቱማባዝኔ ቤዝዛ ባዝ ኦድዛፕ አትን ኤየካያ። ታኒ ቆንጨ ኦድዛ ኦዳ ካታይ ኤርዛ። Ꮊ ኦዳይ ጌማ ኦስንተካ ግሾስ ፐታካ ኤፕ ቆስንቲ አታማያ ታኒ ሎእ ኤርዛ።
«ካት አግርጳ፥ ኔኒ ናብታ አማንኔ? ኔኒ ኡንታን አማንዛና ታኒ ኤርዛ» ዬጌዛ።
ካታይ አግርጳ፥ ጳዉሎሳኮ፥ «Ꮊ ጽቃ ሳታይድ ታና ክርስታኔ ማሆዳይስ ኮይኔ?» ዬጌዛ።
ጳዉሎሳ፥ «ጋመ ዎደ ማቅን ጽቃ ዎደ ነ ኣዳ ባዝን Ꮊይኖ ታ ኦዳ ስእዝ ኡባይ Ꮊ አቻይፕ አትን ታ ጋርክ ማቆዳይ ጋርክ ታ ጾስ ዎስዛ» ዬጌዛ።
የይፕ ጉየ፥ ካት አግርጳ፥ ጋደ አቅስዝ ፍስጾሳ፥ ባርንቀኔ ኡንታር በቴዝ ኡቢታይካ ደንዴዛ። የይፕ ከዚ Ꮊንግታር ፐታይ ፐታይር፥ «Ꮊ አይ Ꮊይቆስ ዎይ አችስ ሄልዛ ባዝ አኮካ ኦካያ» ዬጊ ኦድንቴዛ። አግርጳ ፍስጾሳኮ፥ «Ꮊ አይ ‹ቄሳረ ታባዝ ፕርዶ› ጌካዛኮ ብልንቶዳይስ ዳንዳእዛዝን አቴዛ» ዬጌዛ።
Source notes (4)
- Cross-reference ሀዋ. ኦ. 23:6፤ ፍል. 3:5
- Cross-reference ሀዋ. ኦ. 8:3፤ 22:4-5
- Cross-reference ሀዋ. ኦ. 9:20፥ 28-29
- Cross-reference 1ቆሮ. 15:20፤ ኢሳ. 42:6፤ 49:6
ኦሮꬅ ጫቆ. Copyright © 2025 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.