1ጵጽሮሳ 4

ጾስስ የዞ

1ክርስቶሳ ፋ አሾር ኑስ መቶ ኤኬዝ ግሾስ ይንትካ ኦላ ሚሸ ዳንጬዝ አስ ጋርክ የ ቆፋይር ሚንጊ ኤቆይታ። ክርስቶሳ ግሾስ ግ ፋ አሾር ዋየ ኤኬዝ አይ ናጋራ ኦም ግ ሙርቴዝ አሲ። 2የ አይ ፋ አቴዝ ላይ ጾስ ሸነ ኦዳይስ ኮይነፕ አትን ኢታ አሾ አሞ ፖሎዳይስ ባያ። 3ብኒ ይ አማኖዋ አሳይ የዜዛይ ጋርክ የዜዛ። ይ ቃይጸር፥ ኢታ አሾ አሞር፥ አቆፕ ኣ ኡሻር፥ ማር፥ ቱና ኦ ደንዛ የር፥ የላዛ ኤቃ ጎይኖር ቲና የዜዝ የሳይ ግዶዳ። 4አማኖዋ አሳይራ ይ የይ ጋርክ ባዛር ቃይጽንቲ ላሶዋ ግሾስ ማላባዝ ግ ይንታን ጫዥዛ። 5ዝን ኡንቲ ፓጽታይላኔ Ꮊይቄዝታይል አፋ ፕርዶዳይስ የዝ ጾሳይስ ማህ እንጎዳ። 6Ꮊይቄዝታይስካ ዎንግላይ ሳባክንቴዛይ Ꮊይ ግሾስ። ኡንቲ አሳይሳይ ጋርክ ፋ አሾር ፕርድንቶዳ ማ ፋ አያናር ጾሳይ ጋርክ ደኦ የዞዳ።

7ይኬ፥ ኡባባዝስ ዉርስይ ኡኬዛ። የይ ግሾስ፥ ዎሶዳይስ ዳንዳእንቶድ ጋርክ ዳጭ ጌዝ ዎዝና ማራራ የዞይታ። 8ሲቆ ጋመ ናጋራ ካምዛ ግሾስ ኡባይፕ ኣ ዎልር ዎዝናፕ ሲቅንቶይታ።1 9ኦሌካዛር ዎል እማትር ሞኮይታ። 10ይ ጾሳይፕ ኣ ኬሃትይፕ ዱማ ዱማ እሞታ ኤኬዛይ ጋርክ ይ ፐታይ ፐታይ የ እማ ቤዝዛይ ጋርክ አይኪ ዎል ማዶይታ። 11የሱስ ክርስቶሳ ባጋር ኡባ ባዛር ጾሲ ጋላትንቶዳይ ጋርክ ኦንካ ኦድዛ ባዝ ማቅኮ ጾሳፕ ቃላ ኤኬዛይ ጋርክ ኦዶ። ማ ኦንካ ማድዛ ባዝ ማቅኮ ጾሲ ኤስ እንግዛ ዎልቃይ ጋርክ ማዶ። ቦንቾኔ ዎልቃይ መናፕ መና ሄሎዳይስ ኤስ ማቆ። አምንኤ።

መቶ ጋንጨ ጋርዦ

12ታ ባጉን፥ ይ ታማ ጋርክ ጹግዝ ዋየ ፓጨ ጋንጨር ኣዳር ኦሮባዝ ሀኔዛይ ጋርክ ማላባዝ ጊፓተ። 13ዝን ኤ ፋ ቦንቻይር ማቂ የኦዳር ይ ኡፋይሳይ ኡሳ ጉጆዳይ ጋርክ ክርስቶሳ ዋየ ይ ኤክዛይድ ኡፋይቶይታ። 14ክርስቶሳ ሱንይ ግሾስ አሲ ይንታን ጫዥኮ ጾስ ቦንቾ አያናይ ይንታል አፋ ሸምፕዛ ግሾስ ይ አንጅንቴዝታ። 15ይንታፕ መቶ ኤክዝ ኦንካ ሸምፖ ዎዝታይ ጋርክ ዎይ ካስቴዝ ዎይ ኢታ ኦዛይ ጋርክ ዎይ ገልሶዋ አቆ ገሌዛይ ጋርክ ሀኒ መቶ ኤክፐ። 16ሀኖ ዝን፥ ክርስታኔ ማቄዝ ግሾስ መቶ ኤክኮ ክርስቶሳ ሱንይ ግሾስ ጾሳ ጋላቶፕ አትን ዬላትፐ።

17ፕርዳ ጾስ አሳይፕ አይክዝ ዎደ ሄሌዛ። ይኬ፥ የ ፕርዳይ ቲና ኑል አይክዝባዝ ማቅኮ፥ ጾስ ዎንግላይስ ኪትንቶዋ አሳይ ዉርስይ አብ ማቆዴ? 18ጽሎ ኡንአር አትዝባዝ ማቅኮ፥ ዡጭታይኔ ናጋራንችታይ የዝን ዋዮደ?2 19የይ ግሾስ፥ ጾስ ሸነ ጋርክ መቶ ኤክዝታይ ፋ ሸምፖ ሀዳራ ፋና መዝ፥ አማንዛ ጾሳይስ እንግታር ሎኦ ባዝ ኦ።