ያይቆኦቤ ኪኢቶ

ያይቆኦቤ ኪኢቶ

ዓይፆ ካሮ

ሃይ ያይቆኦቤ ኪኢታ ዓሲ ናንጋንዳ ጎይሢ ዻዋ ማሊሢ ዓርቄያ ማዓዛ፥ ኪኢታ ፃኣፒንቴሢያ ዬኖ ዎዶና ዓጮ ቢያይዳ ላኣሊንቲ ዓኣ ፆኦሲ ዴሮምኬ፤ ኪኢቴሎ ፃኣፔሢ ዔራቶ ኑ ማዾይዳ ፔኤሻንዳ ጎይሢና ዬሱሴ ጉሙርቃ ዓሲ ናንጋንዳ ናንጋ ፔጋዺ ዔርቴያ ማዓንዳጉዲ ጌኤሺ ዔርዛ ጎይሢ ኬኤዛኔ፤ ዬይያኣ፦ ማንቃቶና ዖርጎቹሞና ዛላ፥ ዻቢንታቴያ ዛጋኒ ጌሺሢ ዛላ፥ ዓሲኮ ኮሹሞ ዛላ፥ ቂኢሩሞ ዛላ፥ ጉሙርቂሢና ኮሺ ማዾና ዛላ፥ ዒንዲርሲኮ ኮሹሞንታ ፑርቱሞንታ ዛላ፥ ዔራቶ ዛላ፥ ዎሊና ፑርቲሢ ዛላ፥ ዖቶርሙሞና ሼሌዑሞና ዛላ፥ ኮይሱዋ ጎይሢና ሜሌ ዓሲዳ ዎጊሢ ዛላ፥ ዓኣ ባኣዚና ሄርሺንቲና ሆኦሊንቲሢና ዛላ፥ ዳንዳዒሢና ሺኢጲሢና ዛላ፥ ዬሱሴ ጉሙርቃ ዓሳ ዔራኒ ኮይሳ ባኣዚ ፓይዲ ፓይዲ ፃኣፔኔ።

ሃና ኪኢታ ባሼ ፔጋሲ ኬኤዛሢ ዬሱሴ ጉሙርቃ ዓሳ ዬሱሴ ጉሙርቂፆ ናንጎ ማዾና ዻዋንዳጉዲኬ።

ማፃኣፔላ ዱማ ዱማ ዓርቄ ባኮ

ዓይፆ ካሮ (1፡1)

ዬሱሴ ጉሙርቂሢና ዔራቶና ዛላ (1፡2-8)

ማንቃቶና ዖርጎቹሞና ዛላ (1፡9-11)

ዻቢንታቴ ዛጋኒ ጌሺሢና ሜቶና ዛላ (1፡12-18)

ዋይዚሢና ማዾይዳ ፔኤሺሢና ዛላ (1፡19-27)

ዓሲ ዱማሲሢ ኮይሱዋያ ማዔሢ ዛላ (2፡1-13)

ዬሱሴ ጉሙርቂሢና ማዾና ዛላ (2፡14-26)

ዬሱሴ ጉሙርቃ ዓሲና ዒዛኮ ዒንዲርዞ ዛላ (3፡1-18)

ዬሱሴ ጉሙርቃ ዓሲና ሃያ ዓጮ ዓሶ ዛላ (4፡1—5፡6)

ዱማ ዱማ ዞሮ (5፡7-20)