സങ്കീ. 133

സഹോദരന്മാരുടെ ഐക്യം

ദാവീദിന്‍റെ ഒരു ആരോഹണഗീതം.

1ഇതാ, സഹോദരന്മാർ ഒത്തൊരുമിച്ചു വസിക്കുന്നത്

എത്ര ശുഭവും എത്ര മനോഹരവും ആകുന്നു!

2അത്, വസ്ത്രത്തിന്‍റെ വിളുമ്പിലേക്ക് നീണ്ടുകിടക്കുന്ന അഹരോന്‍റെ താടിയിലേക്ക്,

ഒഴുകുന്ന അവന്‍റെ തലയിലെ വിശേഷതൈലം പോലെയും

3സീയോൻ പർവ്വതത്തിൽ പെയ്യുന്ന

ഹെർമ്മോന്യമഞ്ഞുപോലെയും ആകുന്നു;

അവിടെയല്ലയോ യഹോവ തന്‍റെ അനുഗ്രഹവും

ശാശ്വതമായ ജീവനും കല്പിച്ചിരിക്കുന്നത്.